უკრაინული ავიაკომპანია SkyUp Airlines-ი სრულყოფილ “ლოუკოსტერ” ავიაკომპანიად ყალიბდება. SkyUp Airlines-მა უკვე განაცხადა, რომ 1-ელი სექტემბრიდან აეროპორტში, რეგულარულ რეისებზე, რეგისტრაციის სერვისი ფასიანი იქნება, ხოლო ონლაინ რეგისტრაცია კი უფასო.
აეროპორტში რეგისტრაციის ტარიფი 18 ევროთი განისაზღვრა. აეროპორტში რეგისტრაცია ფასიანი შიდა რეგულარულ რეისებზე 1-ელი სექტემბრიდან, ხოლო საერთაშორისო რეგულარულ რეისებზე 1-ელი ოქტომბრიდან იქნება.
რაც შეეხება ონლაინ რეგისტრაციას, რეისზე ონლაინ რეგისტრაცია იწყება დაგეგმილ გამგზავრებამდე 48 საათით ადრე და სრულდება 5 საათით ადრე.
რაც შეეხება ჩარტერულ რეისებს, აეროპორტში რეგისტრაცია რეგისტრაცია ისევ უფასო იქნება.
აეროპორტში უფასო რეგისტრაციის სერვისით ისარგებლებენ ასევე რეგულარული რეისების მგზავრები, რომელთა ასაკიც 60 წელზე ზემოთაა და ასევე 1 და 2 ჯგუფის ინვალიდები.
როგორც ცნობილია, Skyup Airlines-ი კიევი-თბილისი-კიევის საჰაერო ხაზზე სექტემბერში 4 ჩარტერულ რეისს განახორციელებს. რეისები 9-15-23-30 სექტემბერს განხორციელდება და ავიაკომპანია მგზავრებს მხოლოდ თბილისი-კიევის მიმართულებაზე მოემსახურება.
უფრო კონკრეტულად კი ფრენები დაგეგმილია:
• 9 სექტემბერი, ავიაკომპანია Skyup Airlines, თბილისი – კიევი (გაფრენა – 08:45 ჩაფრენა – 10:45);
• 15 სექტემბერი, ავიაკომპანია Skyup Airlines, თბილისი – კიევი (გაფრენა – 08:45 ჩაფრენა – 10:45);
• 23 სექტემბერი, ავიაკომპანია Skyup Airlines, თბილისი – კიევი (გაფრენა – 08:45 ჩაფრენა – 10:45);
• 30 სექტემბერი, ავიაკომპანია Skyup Airlines, თბილისი – კიევი (გაფრენა – 08:45 ჩაფრენა – 10:45).
ბილეთები ავიაკომპანიის საიტზე ამ დროისათვის ხელმისაწვდომი არ არის, თუმცა კომპანია მათ რეალიზაციას მალე შეუდგება.
SkyUp Airlines-ის ბილეთების დაჯავშნა, შეძენა და ზოგადად დამატებითი ინფორმაციის მიღება შესაძლებელია ასევე საქართველოში SkyUp Airlines-ის ოფიციალურ წარმომადგენელთან, კომპანია “ავიაქსელში”. (+995 32 2 999 888 mail: info@avianet.ge).
თუმცა, ბილეთების შეძენამდე, საქართველოს მოქალაქეები, უნდა გაეცნონ საზღვრის კვეთის პროცედურებს და უკრაინაში შესვლის პირობებს.
