სინგაპურმა ზედიზედ მესამე წელია შეინარჩუნა მსოფლიოში ყველაზე ძვირადღირებული ქალაქის ტიტული იმ ვიზიტორებისთვის, რომელთა წმინდა ქონებაც $30 მილიონ აშშ დოლარს აღემატება. ამის შესახებ შვეიცარიული საბანკო ჯგუფის Julius Baer-ის გლობალური სიმდიდრისა და ცხოვრების წესის ანგარიშშია ნათქვამი. რეიტინგის შედგენისას გაანალიზდა 20 საქონლისა და მომსახურების კალათა მსოფლიოს 25 ქალაქში.
ქალაქ-სახელმწიფომ პირველი ადგილი დაიკავა მანქანებისა და დიზაინერული ჩანთების ფასებით. სინგაპურში ასევე დაფიქსირდა ბიზნეს კლასის ავიაბილეთების ფასების ყველაზე მკვეთრი ზრდა გასულ წელთან შედარებით, კერძოდ 17%-ით.
ტოპ 3 ქალაქი:
- სინგაპური
- ლონდონი
- ჰონგ-კონგი
წელს რეიტინგში მნიშვნელოვანი ცვლილებებია. ბანგკოკი და ტოკიო ექვსი ადგილით დაწინაურდნენ და შესაბამისად, მე-11 და მე-17 ადგილებზე განთავსდნენ. შანხაი მეოთხე ადგილიდან მეექვსე ადგილზე დაეცა.
დუბაი ხუთი ადგილით დაწინაურდა და მსოფლიოს ყველაზე ძვირადღირებული ქალაქების სიაში მე-7 ადგილი დაიკავა, ხოლო EMEA-ს (ევროპა, ახლო აღმოსავლეთი და აფრიკა) რეგიონში მეოთხე ადგილი დაიკავა. აღსანიშნავია, რომ Henley & Partners-ის ანგარიშის თანახმად, დუბაიში მცხოვრები მილიონერების რაოდენობა ბოლო ათწლეულის განმავლობაში 102%-ით გაიზარდა.
მსოფლიოში, ფუფუნების ცხოვრების ღირებულება, რომელიც საქონლისა და მომსახურების კალათით იზომება, ბოლო ერთი წლის განმავლობაში დოლარში 2%-ით შემცირდა. ეს ნაკლებია 2024 (+4%) და 2023 (+6%) მოსალოდნელ ზრდაზე.
აზია-წყნარი ოკეანის რეგიონში მდიდარმა პირებმა ხარჯების უფრო მკვეთრი ზრდადააფიქსირეს, ვიდრე სხვა რეგიონებში. ეს რეგიონი ასევე ლიდერობდა ქალის დიზაინერული ტანსაცმლის, ფუფუნების სასტუმროების და დახვეწილი კვების ფასების ზრდის მხრივ.
