სოფელი შირინცე, რომელიც იზმირში, სელჩუკის რაიონში მდებარეობს, გაეროს მსოფლიო ტურიზმის ორგანიზაციამ (UNWTO) “2023 წლის მსოფლიოს საუკეთესო ტურისტულ სოფლებს შორის” დაასახელა. შირინცე თურქეთის ეგეოსის სანაპიროს ერთ-ერთი ყველაზე მიმზიდველი სოფელია, რომელიც ყურადღებას იპყრობს თავისი ბუნებით, ისტორიით, კულტურითა და გასტრონომიით.
აღნიშნული სოფელი თავის მრავალსაუკუნოვან ისტორიას დღემდე ინახავს. აქ მოხვედრისას ირგვლივ დაინახავთ ხეხილის, ზეთისხილის კორომებს და ვენახებს, რომლებიც საუკუნეების მანძილზე ადგილობრივი მოსახლეობის საარსებო წყაროს წარმოადგენდა. ბუნების სილამაზის გარდა, შირინცე ასევე ცნობილია თავისი ტკბილი ღვინოებით, რომლებიც მზადდება რეგიონში მოყვანილი თითქმის ყველა ხილისგან. ამასთან, დღითიდღე იზრდება იმ ვიზიტორების რიცხვი, რომლებიც სხვადასხვა ქალაქიდან ჩამოდიან იმისათვის, რომ არასამუშაო დღეები მაინც გაატარონ მშვიდად და განიტვირთონ. სოფელში ამისათვის აშენებულია საინტერესო ბუტიკ-სასტუმროები, სადაც ტურისტები რჩებიან. აღსანიშნავია სოფლის გასტრონომიაც. შირინცეს პოპულარობას კიდევ უფრო ამყარებს მისი გასტრონომიაც, რადგან აქ რესტორნები გვთავაზობენ ეგეოსის უგემრიელეს კერძებს, ადგილობრივ ღვინოებს და სხვ. სწორედ ამ და სხვა მრავალი მიზეზის გამო, შირინცე დამსახურებულად მოხვდა UNWTO-ს 2023 წლის საუკეთესო ტურისტული სოფლების სიაში.
იგი მდებარეობს ულამაზეს მთიან მხარეში ზღვის დონიდან 400 მეტრის სიმაღლეზე. დასახლების ისტორია დაახლოებით 600 წელს მოიცავს. თემურლენგის შემოსევის დროს ბერძენი მოსახლეობა მთებში გაიქცა და სოფელი დააარსა. ბერძნები აქ ცხოვრობდნენ გასული საუკუნის 20-იან წლებამდე, შემდეგ თურქებმა დაიწყეს აქ დასახლება (ბერძნულ-თურქული ომის შემდეგ მოხდა მოსახლეობის გაცვლა). აქ მდებარეობს ასევე მართლმადიდებლური ეკლესიები წმინდა იოანე ნათლისმცემლის ეკლესია და სხვ.
საუკუნეების ეგეოსური ტრადიცია: ზეთისხილისა და ყურძნის მოსავალი
ამ სოფელში ცხოვრება აქტიურად გრძელდება. მოსახლეობა დღესაც მეურნეობაით არის დაკავებული, რაც მას კიდევ უფრო უნარჩუნებს უნიკალურობას. აქ ძალიან პოპულარულია ზეთისხილის დამუშავება, ასევე ხშირად შეძლებთ გასინჯოთ მურაბები, შერბეთები, ხილისგან დამზადებული ღვინოები, ნახოთ ხელნაკეთი ნივთები, სუვენირები და სხვ. გაზაფხულზე ბუნება საოცრად აცოცხლებს სოფელს და მას მწვანე სამოთხედ აქცევს, შემოდგომაზე კი რეგიონს სულ სხვა რიტმი ექმნება. მოსავლის აღების ზარები აუწყებს დატვირთულ პერიოდს ზეთისხილის ბაღებსა და ღვინის ქარხნებში. თვეები ინტენსიური აქტივობის პერიოდია შირინცე ელებისთვის, რომლებიც მოჰყავთ ზეთისხილი და აწარმოებენ მაღალი ხარისხის ეგეოსის ზეითუნის ზეთს. აღსანიშნავია, რომ ვენახი ძალიან მნიშვნელოვანია ადგილობრივების სოციალური ცხოვრებისთვის, რადგან იგი ინახავს სოფლის მდიდარ ისტორიას და კულტურულ მემკვიდრეობას.
