ავიაკომპანია Scandinavian Airlines-მა (SAS) განაცხადა, რომ უკრაინის სანქციების გამო ფრენებზე ნორვეგიული ბრენდის Freia შოკოლადის გაყიდვა შეწყვიტა.
ავიაკომპანიის სპიკერმა ტონჟე სუნდმა ნორვეგიულ გამოცემა Nettavisen-ს განუცხადა, რომ სიტუაცია უკავშირდება Freia-ს მფლობელის Mondelez-ის შეყვანას ომის საერთაშორისო სპონსორების უკრაინულ სიაში.
„მომხმარებლებისგან მივიღეთ გამოხმაურება Mondelez-ის პროდუქციის გაყიდვასთან დაკავშირებით. ეს გვაჩვენებს, როგორც კომპანიას, რომელიც მკაფიო პოზიციას იკავებს და მიჰყვება უკრაინის ხელისუფლების ჩამონათვალს. რეაქციას, რომელსაც აქამდე ვიღებდით დადებითი იყო“, – თქვა ტონჟე სუნდმა.
ავიაკომპანია აპირებს ფრენებზე სანქცირებული ბრენდის პროდუქტების შეცვლას ალტერნატიული პროდუქტებით.
“ჩვენ ვფიქრობთ, რომ სირცხვილია, რომ SAS-მა მიიღო ეს გადაწყვეტილება, მაგრამ ჩვენი მომხმარებლების გადასაწყვეტია, რომელ პროდუქტს იყიდიან”, – განუცხადეს Nettavisen-ს Mondelez-ის სკანდინავიურ ოფისში. კომპანიაში განმარტავენ, რომ Freia არის ნორვეგიული ბრენდი, რომელიც წარმოებულია ნორვეგიაში, ხოლო კომპანია არ ყიდის რუსეთში წარმოებულ პროდუქტებს სკანდინავიაში.
უკრაინის კორუფციის პრევენციის ეროვნულმა სააგენტომ 25 მაისს განაცხადა, რომ მან დაამატა Mondelez ომის საერთაშორისო სპონსორების სიაში. სააგენტოს ცნობით, 2022 წელს კომპანიამ რუსეთის ფილიალის მუშაობიდან 339 მილიონი დოლარის მოგება მიიღო და გადაიხადა 61 მილიონი დოლარის გადასახადები აგრესორი ქვეყნის ბიუჯეტში.
