2025 ფისკალურ წელს (პერიოდი 2024 წლის ივლისიდან 2025 წლის ივნისამდე), EMEA რეგიონში (ევროპა, ახლო აღმოსავლეთი და აფრიკა) მოსალოდნელია საქმიანი მოგზაურობის “ყველაზე ძლიერი” ზრდა, როგორც მოგზაურობის მოცულობის, ასევე მოგზაურობის ხარჯების ზრდით, – ამის შესახებ ბაზრის მდგომარეობის კვლევაშია აღნიშნული, რომელიც Flight Center Travel Group-მამოამზადა. გამოკითხვაში კომპანიის 560 კლიენტმა მიიღო მონაწილეობა.
მიღებული მონაცემების მიხედვით, EMEA რეგიონის კომპანიების 46%-ი 2025 წელს საქმიანი მოგზაურობის მოცულობის ზრდას გეგმავს, ხოლო 15%-ი აპირებს მათი რაოდენობის 20%-ით გაზრდას. მივლინებებზე ხარჯები კორპორაციების ნახევარს, ხოლო 9%-ს, მოგზაურობის ბიუჯეტი 20%-ით გაიზრდება.
ზოგადად, ორგანიზაციების 40% ელის 25-ე ფინანსურ წელს მივლინებების რაოდენობის გაზრდას, ხოლო 42% საქმიან მოგზაურობაზე ხარჯების გაზრდას, აღნიშნავენ ანალიტიკოსები.
რაც შეეხება ხარჯების პროგნოზს, მსოფლიოში გამოკითხული კომპანიების 6% ელოდება მოგზაურობის ხარჯების გაზრდას 20%-ზე მეტით, ხოლო 36% ელოდება მოგზაურობის ხარჯების 20%-ზე ნაკლებით გაზრდას. გარდა ამისა, გამოკითხულთა 31% ელის, რომ ხარჯები დარჩება იმავე დონეზე, როგორც 2024 წელს და მხოლოდ 11% არის დარწმუნებული, რომ ის შემცირდება.
„მსოფლიოს ყველა რეგიონიდან, EMEA საქმიანი მოგზაურობის ყველაზე ძლიერ ზრდას განიცდის, რაც ხაზს უსვამს ინდუსტრიის მომავალ შესაძლებლობებს“, – თქვა სტივ ნორისმა, Flight Center Travel Group-ის მმართველმა დირექტორმა გამოკითხვის შედეგების კომენტირებისას.
