ECA International-მა წარმოადგინა ქვეყნების რეიტინგი მოკლევადიანი მივლინებების ღირებულების მიხედვით. ექსპერტებმა გაითვალისწინეს 4* სასტუმროს ნომრების ტარიფები, კვება, სამრეცხაო მომსახურება, ალკოჰოლური და უალკოჰოლო სასმელები, ტაქსი და გაუთვალისწინებელი ხარჯები.
ნიუ-იორკი ზედიზედ მეორე წელია საქმიანი მოგზაურებისთვის მსოფლიოში ყველაზე ძვირადღირებული ადგილი გახდა. ექსპერტებმა გამოთვალეს, რომ საშუალოდ მივლინება აქ დღეში 796 დოლარი ღირს.
აშშ-ის სხვა ქალაქები ასევე მოხვდნენ TOP-10-ში, მათ შორის ვაშინგტონი, სან-ფრანცისკო და ლოს-ანჯელესი. რეიტინგში მეორე ადგილზე ჟენევაა.
აზია-წყნარი ოკეანის რეგიონში ჰონგ კონგი აღმოჩნდა ყველაზე ძვირი დანიშნულების ადგილი ბიზნეს მოგზაურებისთვის: აქ მივლინების ხარჯები დღეში საშუალოდ 520 დოლარია და ეს მსოფლიოში მე-16 შედეგია.
გარდა ამისა, ინფლაციამ აზიის ბევრ რეგიონში ხელი შეუწყო ადგილობრივ ვალუტაში მოგზაურობის ხარჯების მნიშვნელოვან ზრდას. ანგარიშის მიხედვით, შრი-ლანკამ, ლაოსმა და პაკისტანმა ყველაზე დიდი ზრდა აჩვენეს. ამრიგად, კოლომბოსა და შრი-ლანკაში საქმიანი მოგზაურობის ღირებულება ადგილობრივი ვალუტით 75%-ით მეტია, ვიდრე ერთი წლის წინათ.
ჰონგ კონგს რეგიონში მოსდევს სინგაპური (515$ დღეში), ტოკიო ($424), შანხაი ($392) და სეული ($380).
რეიტინგი ეფუძნება 2022 წელს შეგროვებულ ინფორმაციას 190-ზე მეტი ქვეყნის 457 ქალაქისთვის, აზუსტებენ ECA International-ის ექსპერტები.
