საჰაერო ტრანსპორტის სექტორში 2024 წლის ემისიების მაჩვენებლებმა აჩვენა, რომ მიუხედავად ოპერაციული ეფექტურობის მნიშვნელოვანი ზრდისა, ნახშირორჟანგის (CO2) აბსოლუტური ემისია კვლავ მზარდია.
ინდუსტრიის ოპერაციული ეფექტურობა, რომელიც გამოიხატება ემისიის ინტენსივობისმაჩვენებლით (gCO2 ტრაფიკის ერთეულზე), გაუმჯობესდა. ეს ძირითადად განპირობებულია მაღალი დატვირთვის ფაქტორებით (load factors).
gCO2/RTK (შემოსავლიანი ტონა-კილომეტრზე): 2024 წელს ეს მაჩვენებელი 2023 წელთან შედარებით 3.7%-ით გაუმჯობესდა, რაც მგზავრებისა და ტვირთის გადაყვანის ეფექტურობაზე მიუთითებს.
gCO2/ATK (ხელმისაწვდომი ტონა-კილომეტრზე): სიმძლავრის გამოყენების ეფექტურობა უფრო მოკრძალებულად, 1.6%-ით გაუმჯობესდა. ამ შედარებით ნელ პროგრესს განაპირობებს ახალი, საწვავის მხრივ უფრო ეფექტური თვითმფრინავების მიწოდების შეფერხებები.
მიუხედავად ეფექტურობის ზრდის პოზიტიური დინამიკისა, აბსოლუტური ემისიების მაჩვენებელი კვლავ მატულობს.
2024 წელს თვითმფრინავების გამონაბოლქვის მთლიანმა ემისიამ შეადგინა 942 მილიონი ტონა (Mt) CO2. ეს მაჩვენებელი აღემატება 2023 წლის (882 Mt) და 2019 წლის (914 Mt) მაჩვენებლებს.
ინდუსტრია აქტიურად მუშაობდა ემისიების შემცირების მიმართულებით და 2024 წელს მთლიანი ემისიის დაახლოებით 1% წარმატებით შეამცირა.
მიუხედავად მიტიგაციის მცდელობებისა, წმინდა (Net) ემისია (მთლიანი ემისია მინუს SAF-ითა და ოფსეტებით შემცირებული ემისია) 2024 წელს წინა წელთან შედარებით 6.7%-ით გაიზარდა. ეს ზრდა დაკავშირებულია მთლიანი საავიაციო ტრაფიკის (RTK) 10.8%-იან ზრდასთან.
ინდუსტრიის 2024 წლის ემისიებისა და შემცირების ძალისხმევის შესახებ დამატებითი დეტალები წარმოდგენილია IATA 2024 Net Zero პროგრესის ანგარიშში.
