აზერბაიჯანს, როგორც ენერგორესურსებით მდიდარ ქვეყანას, აქვს ყველა წინაპირობა მდგრადი საავიაციო საწვავის (SAF) წარმოებაში გლობალური ლიდერი გახდეს — პროდუქტზე, რომლის მიმართაც მომდევნო წლებში საერთაშორისო მოთხოვნა მკვეთრად გაიზრდება.
ამის შესახებ საერთაშორისო საჰაერო ტრანსპორტის ასოციაციის (IATA) ევროპის რეგიონულმა ვიცე-პრეზიდენტმა რაფაელ შვარცმანმა განაცხადა.
მისი თქმით, ნახშირბადის ემისიების შემცირების გლობალური დღის წესრიგის პირობებში, SAF წარმოადგენს ნულოვანი ემისიების მიღწევის მთავარ ტექნოლოგიურ ბერკეტს და ჩვეულებრივ ავიაციურ საწვავთან შედარებით, მისი გამოყენება ნახშირბადის გამოყოფას 80%-მდე ამცირებს.
„ევროკავშირის ახალი რეგულაცია – ReFuelEU Aviation – მნიშვნელოვან გავლენას მოახდენს AZAL-ის ევროპულ ოპერაციებზე, რადგან ის გულისხმობს SAF-ის სავალდებულო წილის ზრდას ევროკავშირის აეროპორტებში, მიზნად კი 2050 წლისთვის მისი 70%-იან წილს ისახავს“, – აღნიშნა შვარცმანმა.
მისი თქმით, მიუხედავად იმისა, რომ AZAL უკვე ჩართულია RefuelEU ინიციატივაში და ახორციელებს ინვესტიციებს SAF-ის მიმართულებით, ახალი რეგულაციები შესაძლოა გაუმართოს გარკვეული ოპერაციული სირთულეები – მათ შორის საწვავის ფასების ზრდა და მიწოდების ლიმიტირება ევროპულ ბაზრებზე.
„ჩვენ ვხედავთ და ვაფასებთ აზერბაიჯანის მზადყოფნას, ხელი შეუწყოს SAF-ის განვითარებას ადგილობრივი მარეგულირებელი და კომერციული ბარიერების მიუხედავად. SAF-ის მომწოდებლებთან პარტნიორობის გაძლიერება და საწვავის შესყიდვის სტრატეგიების გადახედვა კრიტიკულად მნიშვნელოვანი იქნება AZAL-ისთვის, რათა შეინარჩუნოს კონკურენტუნარიანობა“, – დასძინა IATA-ს წარმომადგენელმა.
მისივე თქმით, აზერბაიჯანს შეუძლია დააჩქაროს SAF-ის ბაზარზე ინტეგრაცია საერთაშორისო სტანდარტების, კერძოდ ASTM-ის მიღებით, როგორც დამატებითი ან ალტერნატიული რეგულატორული ჩარჩო მოქმედი GOST სტანდარტებისთვის.
