International Consolidated Airlines Group-ის (IAG), რომელიც აერთიანებს British Airways-სა და Iberia-ს, 2024 წელს საოპერაციო მოგება 22%-ით, ხოლო შემოსავალი 9%-ით გაზარდა. IAG-ის მთელი წლის საოპერაციო მოგებამ 4,23 მილიარდი ევრო შეადგინა, მაშინ როდესაც 2023 წელს აღნიშნული მაჩვენებელი 3,51 მილიარდი ევრო იყო.
საოპერაციო მოგება ერთჯერადი საქონლის გამოკლებით 27%-ით 4,44 მილიარდ ევრომდე გაიზარდა, რომელმაც კომპანიის საკუთარი ანალიტიკოსების კონსენსუსურ პროგნოზს 4,08 მილიარდი ევროთი გადააჭარბა.
2024 წელს კომპანიის საოპერაციო მომგებიანობა 13.8%-მდე გაიზარდა.
IAG-ის წლიური მოგება, გადასახადის შემდეგ, 3%-ით გაიზარდა და 2,73 მილიარდი ევრო შეადგინა.იმავდროულად კომპანიის შემოსავალმა 32,1 მილიარდი ევრო შეადგინა, 2023 წლის მაჩვენებელიო კი 29,45 მილიარდი ევროა. იმავდროულად, სამგზავრო გადაზიდვებიდან შემოსავალი გაიზარდა 10%-ით, ხოლო სატვირთო გადაზიდვებიდან 7%-ით.
2024 წელს, IAG Group-ის ავიახაზებმა გადაიყვანა 122,047 მილიონი მგზავრი, 5,6%-ით მეტი წინა წელთან შედარებით. ფრენების დატვირთულობა გაიზარდა 85,3%-დან 86,5%-მდე.
კომპანია აღნიშნავს, რომ საჰაერო მგზავრობაზე კვლავ მაღალი მოთხოვნაა.
IAG აპირებს გადაიხადოს საბოლოო დივიდენდი აქციაზე 0.06 ევრო.. 2024 წლის ჯამური დივიდენდი, ამის გათვალისწინებით, ერთ აქციაზე 0,09 ევრო იქნება. გარდა ამისა, კომპანია გეგმავს 12 თვის განმავლობაში აქციონერებისთვის 1 მილიარდი ევროს დაბრუნებას.
გასული წლის განმავლობაში, IAG-ის კაპიტალიზაცია 2.4-ჯერ გაიზარდა.
IAG-ში შედის Aer Lingus (ირლანდია), British Airways (დიდი ბრიტანეთი), Iberia (ესპანეთი), დაბალბიუჯეტიანი გადამზიდავი Level და Vueling – მისი ფლოტი 580-ზე მეტი თვითმფრინავისგან შედგება, რომლებიც აკავშირებს 250 მიმართულებას 91 ქვეყანაში. ჯგუფში 71 ათასზე მეტი ადამიანია დასაქმებული.
