დაბალბიუჯეტიანი ავიაკომპანია Ryanair-ი ბარგის მკაცრი წესებით გამოირჩევა. მგზავრები ხშირად აპროტესტებენ აეროპორტებში ბარგის დამატებით გადახდას, თუნდაც უმნიშვნელო დარღვევებისთვის.
Mirror Online-ის ჟურნალისტმა რუბი ფლენეგანმა გააზიარა თავისი შემზარავი გამოცდილება ლონდონიდან დუბლინში ფრენისას.
ირკვევა, რომ რუბი ფლენეგანმა იყიდა ზურგჩანთა, რომელიც აკმაყოფილებდა Ryanair-ის მიერ დაშვებულ ზომებს – 40 x 20 x 25 სმ. ის მხოლოდ რამდენიმე დღის გატარებას გეგმავდა მეგობრებთან ერთად და ეგონა, რომ ეს მოცულობა მისთვის საკმარისი იქნებოდა. თუმცა, ერთმა უმნიშვნელო დეტალმა განაპირობა მისი დამატებითი ხარჯები. მგზავრის ორმხრივი ბილეთი 35,86 ფუნტი სტერლინგი (დაახლოებით 43 ევრო) ღირდა, თუმცა მას 60 ევროს ოდენობის ჯარიმის გადახდაც მოუწია.
პრობლემა ის იყო, რომ რუბის ზურგჩანთას ჰქონდა სპეციალური დანამატი მრავალჯერადი გამოყენების ბოთლისთვის და სადაც მან თავისი წყლის ბოთლი მიამაგრა. ლონდონის სტენსტედის აეროპორტიდან ფრენა ინციდენტის გარეშე განხორციელდა, თუმცა დაბრუნების დროს გარკვეული გართულებები წარმოიშვა.
“დუბლინიდან დაბრუნებისას, ყელის ტკივილი მაწუხებდა და თავს ძალიან ცუდად ვგრძნობდი, 12:05 საათზე მივედი სტენსტედში ფრენისთვის. რეგისტრაცია დაიხურა 11:30 საათზე და დაახლოებით 20 წუთი რიგში ვიდექი. როგორც კი გასასვლელს მივუახლოვდი, რათა ჩემი პასპორტი და ჩასხდომის ბარათი დამესკანებინა და უცებ ვიგრძენი, რომ ვიღაცამ მხარზე დამარტყა”, – განაცხადა მან.
ირკვევა, რომ რუბის Ryanair-ის თანამშრომელმა ურჩია, რომ ყველა დამატებითი ნივთი მოეთავსებინა ჩანთაში, რათა არ ყოფილიყო გარედან დამაგრებული. გარკვეული ძალისხმევის შემდეგ მგზავრმა მოახერხა ბოთლის ჩანთაში განთავსება, მაგრამ ჩანთა ზედმეტად მოცულობითი ჩანდა. შემდეგ მას სთხოვეს ზურგჩანთის ზომა სპეციალურ ჩარჩოში შეემოწმებინა, მაგრამ ის იქ აღარ განთავსდა.
ის ცდილობდა აეხსნა, რომ პირველ რეისზე ბოთლი ეჭირა და არავინ შეაჩერა, მაგრამ ავიაკომპანიის პერსონალი მტკიცე იყო თავის განზრახვასი. საბოლოო ჯამში, იმისათვის, რომ ფრენა არ გაუშვა, რუბი დამატებით ბარგში 60 ევროს გადახდას დათანხმდა.
“თვითმფრინავი 15 წუთში აფრინდებოდა და მე იქ არ ვიყავი. ბარათით მივედი ბიჭთან, სადაც გადავიხადე 60 ევრო და ზურგჩანთაზე მიმაკრეს ყვითელი სტიკერი. ეს სტიკერები გადაეცათ მგზავრებს, რომლებსაც ბოლომდე არ ესმოდათ Ryanair-ის ბარგის წესები. მე დავთვალე მინიმუმ ოთხი მათგანი, ასე რომ, თუ ისინი მინიმუმ 60 ევროს გადაიხდიდნენ, გამოდის, რომ ავიაკომპანიამ ჩვენგან მინიმუმ 200 ფუნტი სტერლინგი გამოიმუშავა“, – განაცხადა მან.
რუბიმ მოგვიანებით გააცნობიერა, რომ მისთვის უფრო იაფი იქნებოდა ბოთლის აეროპორტში გადაგდება და ჩამოსვლისთანავე ახლის ყიდვა.
