ავიაკომპანია Ryanair-ის სამგზავრო თვითმფრინავს კალამატას საერთაშორისო აეროპორტში (საბერძნეთი) დაშვების შემდეგ ფრთა დაუზიანდა. ამის შესახებ ბრიტანული გამოცემა The Sun იუწყება.
გამოცემის ინფორმაციით, ინციდენტი მოხდა Boeing 737 ტიპის თვითმფრინავთან, რომელიც ლონდონის სტენსტედის აეროპორტიდან ასრულებდა რეისს. მგზავრების თქმით, დაშვებისას თვითმფრინავში ძლიერი ტურბულენტობა იგრძნობოდა. დაჯდომის შემდეგ თვითმფრინავი გაჩერდა სადგომზე, სადაც შემობრუნებისას ფრთით შეეჯახა ბარიერს და დაზიანდა.
Ryanair-ის წარმომადგენელმა დაადასტურა, რომ ინციდენტის შემდეგ თვითმფრინავი ადგილზე დარჩა და მოგვიანებით ყველა მგზავრი უსაფრთხოდ ჩამოვიდა ბორტიდან ჩვეულ რეჟიმში.
