Ryanair-ი ზრდის იმ ხელბარგის მაქსიმალურ ზომებს, რომელიც მგზავრებს უფასოდ შეუძლიათ თვითმფრინავში თან იქონიონ. ავიაკომპანია სავარძლის ქვეშ მოსათავსებელი ჩანთის მაქსიმალურ ზომებს 40×25×20 სმ-დან 40×30×20 სმ-მდე ზრდის, ხოლო ბარგის მოცულობა 20-დან 24 ლიტრამდე იზრდება. ეს 20%-იანი ზრდა ძალაში მიმდინარეკვირებში შევა, მას შემდეგ რაც აეროპორტებში ბარგის შემოწმების სისტემები შესაბამის ცვლილებებს გაივლის.
ცვლილება გადაჭარბებს ევროკავშირის მიერ რეკომენდებულ მინიმალურ სტანდარტებს.
ცნობილია, რომ ბრიუსელში განიხილება რეგულაცია, რომლის მიხედვითაც ყველა ავიაკომპანიამ უნდა დაუშვას მინიმუმ 40×30×15 სმ ზომის ბარგის ბორტზე უფასოდ ტარება. დამატებით განიხილება 7 კგ-მდე წონისა და 100 სმ-მდე მთლიანი გარშემოწერილობის მქონე ბარგის უფასოდ შეტანის შესაძლებლობა – ყოველგვარი დამატებითი გადასახადის გარეშე.
ამჟამად Ryanair უფასოდ მხოლოდ იმ ჩანთის ტარების უფლებას იძლევა, რომელიც წინა სავარძლის ქვეშ ეტევა – ჩვეულებრივ, ეს არის მცირე ზურგჩანთა ან ხელჩანთა.
მიუხედავად იმისა, რომ ცვლილება მხოლოდ 5 სმ-ს შეადგენს, ბარგის მოცულობის 4 ლიტრით ზრდასაკმარისია რამდენიმე დამატებითი ნივთის – მაგალითად, მაისურის ან შარვლის – ჩასატევად.
ავიაკომპანიის განცხადებით, ცვლილებები ამოქმედდება უახლოეს კვირებში, როგორც კი შესაბამისი ტექნიკური დეტალები დაზუსტდება.
