ირლანდიურმა ავიაკომპანია Ryanair-მა მგზავრები გააფრთხილა, რომ ზოგიერთ მათგანის ტრანსპორტირებისთვის მხოლოდ პასპორტი საკმარისი არ იქნება. მათ ასევე მოუწევთ ექიმის ცნობის წარდგენა.
თვითმფრინავში მშობიარობა უკიდურესად იშვიათი მოვლენაა, მსოფლიოში წელიწადში ერთზე ნაკლები. თუმცა, Ryanair-მა გადაწყვიტა, თავი დაეცვა ამ პრობლემისგან – მხოლოდ ასე შეიძლება აიხსნას მისი ახალი წესი, რომლის მიხედვითაც, ორსულობის მეშვიდე თვეში მყოფმა მგზავრებმა, ბილეთისა და პირადობის მოწმობის გარდა, ფრენისას თან უნდა იქონიონ ექიმის ცნობა. და ამ სერტიფიკატში უნდა ეწეროს, რომ თვითმფრინავით მგზავრობას მისთვის უკუჩვენება არ აქვს.
ძალიან საინტერესო იქნება იმის ნახვა, თუ როგორ განხორციელდება ეს წესი პრაქტიკაში. როგორ შეძლებენ Ryanair-ის თანამშრომლები თვალის დახამხამებით იმის დადგენას, რომ ეს მგზავრი ჯერ კიდევ 27 კვირის ორსულია და მას სერტიფიკატი არ სჭირდება, მაშინ როცა ეს მგზავრი უკვე 28 კვირის ორსულია და სერტიფიკატი სჭირდება? მუცლის ზომით? მაგრამ ეს ძალიან ინდივიდუალური ფაქტორია. ზოგიერთი ქალი ფაქტობრივად მშობიარობასთან ახლოსაა, მაგრამ მათი მუცელი ძლივს შესამჩნევია, ზოგი კი პირიქითაა: მხოლოდ ხუთი თვის ორსულია, მაგრამ მუცელი უზარმაზარი აქვს.
ანუ, Ryanair-ის თვითმფრინავში ასასვლელად, შესამჩნევი მუცლის მქონე ქალებს ასევე მოუწევთ გინეკოლოგისგან ცნობის მიღება, რომელშიც მითითებული იქნება, რომ ისინი ჯერ არ არიან 28 კვირის ორსულები.
Ryanair-მა მგზავრები ასევე გააფრთხილა, რომ ქალები, რომლებიც უკვე 9 თვის (36 კვირის) ორსულები არიან, საერთოდ არ დაიშვებიან თვითმფრინავში, მიუხედავად იმისა, თუ რას წერს ექიმი ცნობაში.
ზოგადად, ეს ერთი უწყვეტი დისკრიმინაციაა. თუმცა, Ryanair-ის წინა იდეებთან შედარებით – თვითმფრინავში ტუალეტის ფასიან მომსახურებად გადაქცევა ან მგზავრების ფეხზე დგომით გადაყვანა – ეს ყველაზე ექსტრავაგანტური იდეა არ არის.
