Google Maps-ის სერვისმა აეროპორტ „კიევის“ (ჟულიანი) განახლებული სატელიტური ფოტოები გამოაქვეყნა. მათზე კარგად ჩანს, როგორ გამოიყურება აეროპორტი უკრაინაში რუსული ჯარების შეჭრის დაწყების შემდეგ.
ჟულიანის ასაფრენი ბილიკი მთელ პერიმეტრზე გადაკეტილია ავტობუსებით, ტანკერებით, თოვლის საწმენდი მანქანებით და ბარგის ურმებითაც კი.
ასაფრენ/დასაფრენი ბილიკის ბოლო ბლოკირება დამატებით გაძლიერებულია ხუთი თვითმფრინავის დახმარებით, მათ შორისაა ბიზნეს-ჯეტები და სამგზავრო An-148.
სატელიტურ სურათებზე ასევე შეგიძლიათ ნახოთ, რომ კიევის აეროპორტის ტერმინალებზე ყველა ავტოსადგომი ცარიელია. შენობებიდან თვითმფრინავები შორეულ პლატფორმებზე გადაიყვანეს.
გაჩერებულ თვითმფრინავებს შორის Wizz Air-ის სამი Airbus A320-ი შესაძლოა ამოიცნოთ. რუსეთის შეჭრამდე ისინი ბაზირებული იყვნენ კიევში და იმყოფებოდნენ ჟულიანში 2022 წლის 24 თებერვლის ღამეს. დაბალბიუჯეტიან ავიაკომპანიას უკრაინის ცის დახურვამდე არ ჰქონდა დრო ამ თვითმფრინავების ევაკუაციისთვის.
