საჰაერო ტრანსპორტის საერთაშორისო ასოციაციამ (IATA) გამოაქვეყნა წლის პირველი ანგარიში, რომლის მიხედვითაც საჰაერო მიმოსვლა მსოფლიოში ისტორიულ მაქსიმუმზეა. 2025 წელი დასრულდა იმაზე უკეთესი მაჩვენებლებით, ვიდრე ნავარაუდები იყო, რაც 2026 წლისთვის კიდევ უფრო ოპტიმისტურ განწყობას ქმნის.
2025 წლის დეკემბერში მგზავრთნაკადი 2024 წელთან შედარებით 7.2%-ით გაიზარდა. 2026 წლისთვის კი მოსალოდნელია, რომ ჯამური მგზავრების რაოდენობა 5.3 მილიარდს გადააჭარბებს.
საჰაერო ტვირთებზე მოთხოვნა სტაბილურად მაღალია (ზრდა 9.1%), რაც გამოწვეულია გლობალური ვაჭრობის გააქტიურებითა და საზღვაო გადაზიდვების შეფერხებებით.
2026 წელი იქნება გარდამტეხი ეკოლოგიური თვალსაზრისით. SAF-ის წარმოება სამმაგდება, თუმცა ის მაინც მოთხოვნის მხოლოდ მცირე ნაწილს ფარავს.
IATA-ს გენერალურმა დირექტორმა, ვილი უოლშმა განაცხადა, რომ მიუხედავად ინფლაციური წნეხისა და მაღალი საპროცენტო განაკვეთებისა, ადამიანები მოგზაურობას პრიორიტეტად მიიჩნევენ.
„ავიაცია აღარ არის ფუფუნება, ის გლობალური ეკონომიკის სასიცოცხლო ხაზია“ – აღნიშნა უოლშმა.
