თუ ოდესმე გიცდიათ მძიმე ჩანთის ზედა სათავსოში შენახვა და შეგინიშნავთ, რომ ბორტგამცილებელი მხოლოდ შორიდან გაკვირდებათ, იცოდეთ – ამას თავისი კონკრეტული მიზეზები აქვს, რომლებიც უსაფრთხოებასა და შრომით რეგულაციებს უკავშირდება.
ბევრმა არ იცის, რომ ავიაკომპანიების უმეტესობაში ბორტგამცილებლებს ხელფასი მხოლოდ თვითმფრინავის კარის დაკეტვისა და ძრავის ამუშავების შემდეგ ერიცხებათ. მგზავრების ჩასხდომის პროცესი მათთვის ხშირად ანაზღაურებადი არ არის, შესაბამისად, ამ დროს მიღებული ტრავმა შესაძლოა სამუშაო საათებში მიღებულად არ ჩაითვალოს.
ჩანთების აწევა დაკავშირებულია ზურგის, წელისა და მხრების ტრავმების მაღალ რისკთან. თუ ბორტგამცილებელი მგზავრის მძიმე ჩანთის აწევისას დაშავდება, ავიაკომპანიების უმეტესობა ამას “სამუშაო ტრავმად” არ აღიარებს და დაზღვევა მკურნალობის ხარჯებს არ ანაზღაურებს.
ბორტგამცილებლის მთავარი მოვალეობა ჩასხდომისას მგზავრების ნაკადზე დაკვირვება, საეჭვო ქცევის იდენტიფიცირება და უსაფრთხოების წესების დაცვაა. ჩანთების ლაგებით დაკავება მათ ყურადღებას უფანტავს.
ბევრ ავიაკომპანიას პირდაპირ აკრძალული აქვს თანამშრომლებისთვის მძიმე ტვირთის აწევა, რათა თავიდან აიცილონ პერსონალის მასობრივი დეფიციტი ტრავმების გამო.
თუ თქვენ თავად ვერ ახერხებთ თქვენი ხელბარგის აწევას, ეს ნიშნავს, რომ ის ზედმეტად მძიმეა. ასეთ შემთხვევაში, უმჯობესია ჩანთა ჩააბაროთ საბარგულში. ბორტგამცილებელს შეუძლია დაგეხმაროთ ჩანთის სათავსოში “შეტენვაში” ან ადგილის პოვნაში, მაგრამ ფიზიკურად მის აწევას ნუ მოსთხოვთ.
