ტექნოლოგიური კომპანია SITA-ს ახალი ანგარიშის თანახმად, მოგზაურებს სურთ, რომ მათი ავიამგზავრობა იყოს უფრო სწრაფი, ციფრული და ეკოლოგიურად სუფთა. ანგარიში ეფუძნება 25 ქვეყნის აეროპორტებში 7,500-ზე მეტი მგზავრის გამოკითხვას.
კვლევის შედეგები აჩვენებს, რომ მგზავრებს სურთ, შეამცირონ აეროპორტში ლოდინის დრო და მიიღონ ინფორმაცია რეალურ დროში საკუთარი ტელეფონების საშუალებით.
ბიომეტრია უპირატესია: ტურისტები უპირატესობას ანიჭებენ ბიომეტრიულ ჩასხდომასპერსონალით დაკომპლექტებულ დახლებს.
ციფრული პირადობა: მგზავრების თითქმის 80% მზად არის, პასპორტი ტელეფონში შეინახოს, ხოლო ორი მესამედი მზადაა, გადაიხადოს ციფრული იდენტიფიკაციისსერვისისთვის. მოსალოდნელია, რომ ასეთი სერვისის მომხმარებელთა რაოდენობა მსოფლიოში მიმდინარე წლის 155 მილიონიდან 2029 წლისთვის 1.27 მილიარდამდეგაიზრდება.
SITA-ს გენერალურმა დირექტორმა, დევიდ ლავორელმა, განაცხადა: „მგზავრები არ ეწინააღმდეგებიან ცვლილებებს, ისინი უკვე ციფრულ ტექნოლოგიებზე გადავიდნენ. ახლა ჩვენი რიგია. მოგზაურობის მომავალი მხოლოდ ტექნოლოგიების დანერგვა არ არის, ეს არის ბარიერების აღმოფხვრა.“
გამოკითხულთა თითქმის 90%-მა განაცხადა, რომ მზად არის, მეტი გადაიხადოს მავნე ემისიების შემცირებისთვის. ბევრი მათგანი არც უფრო ნელა ფრენის ან ნაკლები ბარგის წაღების წინააღმდეგია, რათა ნახშირბადის კვალი შემცირდეს.
SITA-ს მონაცემებით, ბარგის არასწორად მოპყრობის დონე ისტორიულად დაბალ ნიშნულზეა, თუმცა მგზავრების 78% მაინც მზად არის, გადაიხადოს ბარგის კარიდან-კარამდე მიტანისსერვისისთვის.
„ჩვენ მგზავრებს ვთხოვთ, რომ მოერგონ მგზავრობას, მაშინ როცა ისინი ელიან, რომ მგზავრობა მოერგება მათ. ინსტრუმენტები უკვე არსებობს: ბიომეტრია, ციფრული იდენტიფიკაცია, რეალურ დროში მონაცემები და ბარგის ტექნოლოგიები. ერთადერთი, რაც აკლია, არის სიჩქარე,“ — დაასკვნა ლავორელმა.
