ქუთაისის საერთაშორისო აეროპორტიდან ყველაზე პოპულარული მიმართულება პოლონეთის დედაქალაქია. ვარშავა იმ TOP-5-ის სათავეშია, რომელსაც აეროპორტი, იანვარ-ოქტომბრის მონაცემებით, ყველაზე პოპულარულ მიმართულებად ასახელებს.
პოლონეთი, რომ პოპულარული მიმართულებაა ამას ისიც მოწმობს, რომ “შესანიშნავ ხუთეულში” მოხვდა ასევე პოლონური ქალაქი კატოვიცე. ხუთეული აერთიანებს ასევე გერმანიის დედაქალაქს და გერმანიიაში, ჩრდილოეთ რაინ-ვესტფალიაში მდებარე ქალაქ დორტმუნდს. რეიტინგის შუაგულში, ანუ მესამე ადგილზე კი ავსტრიის დედაქალაქი ვენაა.
ქუთაისის საერთაშორისო აეროპორტიდან ყველაზე პოპულარული TOP-5 მიმართულების რეიტინგი ასე გამოიყურება:
- ვარშავა;
- ბერლინი;
- ვენა;
- კატოვიცე;
- დორტმუნდი;
აღსანიშნავია, რომ ყველა მიმართულებას, რომელიც რეიტინგშია მითითებული ქუთაისის საერთაშორისო აეროპორტიდან ავიაკომპანია Wizz Air-ი ემსახურება.
