ქუთაისის საერთაშორისო აეროპორტი დაინტერესებულ პირებს ტერმინალში საახალწლო დეკორაციების მოსაწყობად სპეციალურ ზონებს გამოუყოფს.
„ჯადოსნური შობა-ახალი წელი გვიახლოვდება და გთავაზობთ, ერთად ვიზრუნოთ ჩვენი მგზავრების განწყობაზე
ვიწვევთ ყველა დაინტერესებულ პირს, ვისთვისაც მოგზაურობა და ფრენა სიახლის აღმოჩენასთან და ახალ ემოციებთან არის დაკავშირებული. ვისაც ერთხელ მაინც უმგზავრია ჩვენი აეროპორტიდან და გამოხატავს ინტერესს საახალწლოდ, 1 თვის განმავლობაში აეროპორტის ტერმინალი ჯადოსნურ ზღაპრად აქციოს.
დაინტერესებული პირებისთვის საკუთარი საქმიანობის კიდევ უფრო წარმოსაჩენად, ჩვენი მხრიდან გამოვყოფთ ტერმინალში სპეციალურ ზონებს საახალწლო დეკორაციების მოწყობისთვის.
დაინტერესებულმა პირებმა წინადადებები შემდეგ ელექტრონულ მისამართზე business@airports.ge არაუგვიანეს 13 ნოემბრის 00:00 საათამდე ვადაში უნდა წარმოადგინონ.
მეტი დეტალისთვის, პირობებისა და პროცედურების შესახებ ეწვიეთ: https://www.airports.ge/b2b/request-for-proposal“, – აღნიშნულია აეროპორტის facebook-ის გვერდზე განთავსებულ ინფორმაციაში.
