კანადაში საქართველოს საქმეთა დროებითმა რწმუნებულმა ბაქარ მაკარიძემ და საელჩოს უფროსმა მრჩეველმა უჩა გაბეჩავამ საელჩოში შეხვედრა გამართეს კანადაში ვიზიტად მყოფ სინგაპურის ტრანსპორტის მინისტრის სპეციალურ წარმომადგენელთან იაპ ონგ ჰენგთან და სინგაპურის ტრანსპორტის სამინისტროს საერთაშორისო ურთიერთობებისა და უსაფრთხოების დეპარტამენტის დირექტორთან ჩანგ გუოლონგთან.
შეხვედრაზე მხარეებმა ისაუბრეს სამოქალაქო ავიაციის საერთაშორისო ორგანიზაციის (ICAO) ფარგლებში თანამშრომლობის გაღრმავებასა და ორ ქვეყანას შორის ეკონომიკური ურთიერთობების განვითარების პერსპექტივებზე.
