ავსტრალიური ავიაკომპანია Qantas-ი 2027 წელს გეგმავს უწყვეტი ფრენების დაწყებას სიდნეიდან ლონდონისა და ნიუ-იორკში. ფრენის ხანგრძლივობა იქნება დაახლოებით 19 საათი. ეს იქნება მსოფლიოში ყველაზე გრძელი საჰაერო მარშრუტები.
ამჟამად სიდნეისა და ამ ქალაქებს შორის ფრენები საჭიროებს ტრანსფერს, რადგან თანამედროვე თვითმფრინავები ასეთ დისტანციებს გაჩერების გარეშე ვერ ახერხებენ.
უწყვეტი ფრენები დაიწყება მას შემდეგ რაც Qantas-ი Airbus A350-1000 Ultra Long Range-ს მიიღებს.
Qantas-ის ავიაპარკში აღნიშნულ თვითმფრინავი პირველად სავარაუდოდ 2026 წლის ბოლოს გამოჩნდება.
მიუხედავად იმისა, რომ ბილეთები მინიმუმ 20%-იით გაძვირდება ავიაკომპანიაში აღნიშნულ მარშრუტებზე მაღალ მოთხოვნას პროგნოზირებენ. ავიაკომპანიის აღმასრულებელმა დირექტორმა ვანესა ჰადსონმა აღნიშნა, რომ მგზავრები აფასებენ პირდაპირ ფრენებს და მზად არიან გადაიხადონ შესაბამისი ფასი.
ამჟამად ყველაზე გრძელი უწყვეტი მარშრუტი სინგაპურიდან ნიუ-იორკამდეა (18 საათი 50 წუთი).
