პოლონეთის მთავრობამ ქვეყნის ახალი მეგა აეროპორტის პროექტი დაამტკიცა, თუმცა მაგრამ პროგრამა გადაიხედა და ის 2032 წლამდე არ გაიხსნება. პირველადი გეგმების მიხედვით, აეროპორტის პირველი ეტაპი 2027-2028 წლებში უნდა დასრულებულიყო.
პროექტით “Centralny Port Komunikacyjny CPK” პოლონეთს სურს ააშენოს ვარშავას მახლობლად ახალი აეროპორტი ააშენოს, რომელიც გახდება მნიშვნელოვანი კვანძი ევროპასა და აზიას შორის. გეგმების მიხედვით, ახალი პოლონური ჰაბი წელიწადში 34 მილიონ მგზავრს მოემსახურება, მისი მშენებლობა კი 131 მილიარდი ზლოტი (32,5 მილიარდი დოლარი) დაჯდება.
პრემიერ მინისტრმა დონალდ ტუსკმა 26 ივნისს გამოსვლისას CPK პროგრამას უწოდა “სამმაგი ნახტომი თანამედროვეობაში”, რადგან ის მოიცავს არა მხოლოდ ახალ აეროპორტს, არამედ მაღალსიჩქარიანი სარკინიგზო ხაზების სერიას, რომელიც აკავშირებს ვარშავას, ლოზს, პოზნანს და ვროცლავს, და პოლონეთის ეროვნული ავიაკომპანია LOT-ის განვითარებას, როგორც „ერთ-ერთი წამყვანი გადამზიდავი“. ჰაბის მიწისქვეშა ნაწილში იგეგმება დიდი სარკინიგზო კვანძის აშენება რეგიონული და საქალაქთაშორისო მატარებლების ექვსი პლატფორმით.
ვარშავის შოპენის ამჟამინდელი აეროპორტი გაფართოვდება, რათა შეავსოს სიმძლავრის ხარვეზი, სანამ ახალი მეგა აეროპორტი ამოქმედდება და სხვა რეგიონული აეროპორტები, მათ შორის ვარშავა-მოდლინის მოდერნიზება მოხდება
