Ryanair-სა და Wizz Air-ს ბარგის გაბარიტების შემოწმების გამო პრობლემები შეექმნათ.
მგზავრები აეროპორტებში ბარგის ზომის მკაცრი და არათანაბარი შემოწმების ზრდაზე ჩივიან. საჩივრები ძირითადად ეხება პოპულარულ დაბალბიუჯეტიან ავიაკომპანიებს — Ryanair-სა და Wizz Air-ს.
როგორც იუწყება e-gospodarka.pl, პოლონეთის კონკურენციისა და მომხმარებელთა უფლებების დაცვის ოფისის (UOKiK) პრეზიდენტმა უკვე დაიწყო პროცედურები ამ ავიაკომპანიებთან მიმართებით, რათა შეამოწმოს, არღვევენ თუ არა მგზავრთა უფლებებს დამატებითი გადასახადების დაკისრების გზით.
რა პრობლემებია:
-
მგზავრებს ეუბნებიან, რომ ბარგი “მეტისმეტად დიდია”, მიუხედავად იმისა, რომ იგი კომპანიის მიერ დასაშვებ ზომებს შეესაბამება.
-
ბარგის გადამოწმება ხორციელდება სპეციალურ ჩარჩოში (საიზერში), რომელიც, როგორც ირკვევა, ზოგჯერ უფრო პატარაა, ვიდრე კომპანიების ოფიციალურად გამოცხადებული საზომი სტანდარტები.
-
ბარგის შემოწმება ხდება დაჩქარებულად და გადაზომვის ან გადამოწმების შესაძლებლობის გარეშე, რაც მგზავრებს ხშირად აიძულებს ადგილზე გადაიხადონ დამატებითი საფასური ან ხელახლა გადაალაგონ ბარგი.
-
მომხმარებლების აზრით, ეს პრაქტიკა მიზანმიმართულია დამატებითი შემოსავლების მისაღებად.
როგორ რეაგირებს მარეგულირებელი ორგანო:
UOKiK უკვე იკვლევს შემდეგ საკითხებს:
-
ავიაკომპანიების მიერ ბილეთის შეძენისას მიცემულ ინფორმაციას
-
ბარგის გაზომვის მეთოდსა და პროცედურას
-
დამატებითი გადასახადების გამოთვლის წესებს
-
გადაუხდელობის შემთხვევაში გამოყენებულ სანქციებს
-
საჩივრების განხილვის მექანიზმებს
ორგანოს ხელმძღვანელი ტომაშ ხრუსტნი ხაზს უსვამს, რომ ევროკავშირის სასამართლოს გადაწყვეტილებით, გონივრულ წონასა და ზომაში არსებული ხელბარგი უნდა ჩაითვალოს ტრანსპორტირების ფასში ჩადებულ მომსახურებად და მასზე დამატებითი გადასახადი დაუშვებელია.
