დაბალბიუჯეტიანმა ავიაკომპანიამ Wizz Air-მა დაიწყო ხელოვნური ინტელექტის გამოყენება ფრენების შესაძლო შეფერხებების პროგნოზირებისთვის და მათი შედეგების შესამსუბუქებლად.
ინსტრუმენტი განხორციელდა, როგორც ავიაკომპანიის ახალი სერვისის გაუმჯობესების სტრატეგიის ნაწილი, სახელწოდებით PINK. ეს ითარგმნება როგორც ვარდისფერი – დაბალბიუჯეტიანი ავიაკომპანიის მთავარი კორპორატიული ფერი.
Wizz Air-ში აცხადებენ, რომ ავიაკომპანიამ უკვე ჩადო 100 მილიონ ევროზე მეტი ინვესტიცია, რათა სერვისი უფრო საიმედო და მომხმარებელზე ორიენტირებული ყოფილიყო.
გასულ წელს ავიაკომპანია მგზავრების მხრიდან კრიტიკას განიცდიდა ფრენების ხშირი დაგვიანების ან გაუქმების და მგზავრების საჩივრების ხანგრძლივი განხილვის გამო.
„ჩვენ არ ვაკმაყოფილებდით ჩვენი მომსახურების სტანდარტებს. PINK არის ჩვენი ვალდებულება, გავაუმჯობესოთ მომხმარებლის გამოცდილება“, – თქვა Wizz Air-მა.
ახლა დაბალბიუჯეტიანი ავიაკომპანია გვპირდება 60 დღის განმავლობაში განიხილავს მგზავრების ყველა საჩივარს, ბილეთების ღირებულებას კრედიტის სახით აბრუნებს ფრენის გაუქმების დღეს Wizz ანგარიშზე ან მგზავრის საბანკო ანგარიშზე 5 სამუშაო დღის განმავლობაში.
პუნქტუალურობის გასაუმჯობესებლად, Wizz Air-მა, ხელოვნური ინტელექტის გამოყენების გარდა, უზრუნველყო სათადარიგო თვითმფრინავები ფლოტში, გაზარდა პერსონალის რაოდენობა აეროპორტში და გააუმჯობესა ფრენებს შორის საათები ეკიპაჟისთვის მეტი ბუფერული დროის დამატებით.
„ჩვენი კონტროლის ფარგლებში ყველაფერი გავაკეთეთ ზაფხულისთვის […] მიუხედავად იმისა, რომ ჩვენ ვერ მოველით ყველა შეფერხების აღმოფხვრას, დარწმუნებულები ვართ, რომ გადავდგით სწორი ნაბიჯები, რათა უკეთ ვიზრუნოთ ჩვენს მგზავრებს ამ სეზონზე“, – თქვა მარიონ ჯეფროიმ, Wizz Air UK-ის მმართველმა დირექტორმა.
