Boeing-მა და თურქულმა ავიაკომპანია Pegasus Airlines-მა, ავიაკომპანიის ფლოტის გაფართოებაზე განაცხადეს, რომლის მიხედვითაც თურქეთის წამყვანი დაბალბიუჯეტიანი ავიაკომპანია 200-მდე 737 MAX თვითმფრინავს შეიძენს.
შეთანხმება მოიცავს 100 ერთეული 737-10 თვითმფრინავის მყარ შეკვეთას (737 MAX 10), ასევე დამატებით 100 თვითმფრინავის ოფციას. ავიაკომპანია შეკვეთილი თვითმფრინავების მიღებას 2028 წლიდან დაიწყებს.
737 MAX 10 (737-10) არის ახალი თაობის საშუალო მანძილის თვითმფრინავების Boeing 737 MAX უმსხვილესი წარმომადგენელი: თვითმფრინავის სიგრძე 43,8 მეტრია. თვითმფრინავს ასევე აქვს ყველაზე დიდი სამგზავრო ტევადობა ამ ოჯახის ყველა თვითმფრინავს შორის და არის ევროპის კორპორაციის Airbus-ის A321neo თვითმფრინავის პირდაპირი კონკურენტი.
