ქართული ავიაკომპანია MyWay Airlines-ი ბუდაპეშტის მიმართულებით პირდაპირი ავიარეისების შესრულებას 28 ოქტომბრიდან შეუდგება. ავიაკომპანიის ინფორმაციით, რეგულარული რეისები თბილისი-ბუდაპეშტი-თბილისის მიმართულებაზე ყოველ ხუთშაბათს და კვირას განხორციელდება, ხოლო 20 ნოემბრიდან ყოველ სამშაბათს, ხუთშაბათს და კვირას.
MyWay Airlines-ის განმარტებითვე, თბილისი-ბუდაპეშტი-თბილისის რეისებზე ავიაბილეთის ღირებულება (ერთი გზა) 219 ლარიდან ხოლო ორი გზა – 409 ლარიდან იქნება.
ავიაკომპანია ფრენებს Boing 737-800 ტიპის საჰაერო ხომალდებით შეასრულებს.
აღსანიშნავია, რომ დღეისათვის თბილისიდან ბუდაპეშტის მიმართულებით პირდაპირი ავიარეისები არ ხორციელდება.
PS: აღნიშნული ფასები MyWay Airlines-ის თბილისი-ბუდაპეშტი-თბილისის რეისებზე 30 სექტემბრამდე შეძენილ ავიაბილეთებზე გავრცელდება. აღნიშნული ტარიფის მქონე ავიაბილეთების რაოდენობა კი შეზღუდულია. იჩქარეთ!
