საჰაერო ტრანსპორტის საერთაშორისო ასოციაციის (IATA) მონაცემებით, ივლისში მსოფლიო სამგზავრო ავიაგადაზიდვების მოცულობა წლიურ გამოხულებაში 4%-ით გაიზარდა. სეზონური რყევების გათვალისწინებით, ეს მაჩვენებელი წლიურ გამოხულებაში 4.7%-ით, ხოლო თვიურ გამოხულებაში 0.9%-ით გაიზარდა.
როგორც IATA-ს გენერალური დირექტორი, ვილი უოლში აღნიშნავს, „ავიაკომპანიებისთვის ეს კარგი ზაფხულის სეზონი იყო ჩრდილოეთ ნახევარსფეროში. ზრდის დინამიკა სეზონის პიკში გაძლიერდა და ივლისში მოთხოვნა 4%-ით გაიზარდა. ეს ტენდენცია ყველა რეგიონში შეინიშნება და განსაკუთრებით თვალსაჩინოა საერთაშორისო გადაზიდვებში“.
ძირითადი მაჩვენებლები და რეგიონული დინამიკა
- საერთაშორისო გადაზიდვები: საანგარიშო პერიოდში წლიურ გამოხულებაში 5.3%-ითგაიზარდა.
- შიდა გადაზიდვები: გაიზარდა 1.9%-ით.
- მგზავრთა დატვირთვის კოეფიციენტმა (PLF) 85.5%-ს მიაღწია.
წლის დასაწყისიდან სამგზავრო ავიაგადაზიდვების საერთო მოცულობა 5%-ით გაიზარდა, საერთაშორისო გადაზიდვები 6.9%-ით, ხოლო შიდა გადაზიდვები 2.1%-ით.
მსოფლიო სამგზავრო გადაზიდვების ყველაზე ძლიერი წლიური ზრდა ივლისში დაფიქსირდა:
- ლათინურ ამერიკასა და კარიბის ზღვის კუნძულებზე: +7.2%
- აზია-წყნარი ოკეანის რეგიონში: +5.7%
- ახლო აღმოსავლეთში: +5.4%
ზრდა ასევე შეინიშნა აფრიკაში (+3.9%), ევროპაში (+2.9%) და ჩრდილოეთ ამერიკაში (+1.9%).
