საავიაციო მონაცემების ანალიზის პლატფორმის, Cirium-ის ექსპერტების გათვლებით, 2044 წლისთვის მსოფლიოს ავიაკომპანიებს დაახლოებით 46,500 ახალი თვითმფრინავი მიეწოდებათ. ახალი საჰაერო ხომალდების საერთო ღირებულება $3.4 ტრილიონს შეადგენს.
ანალიტიკოსების პროგნოზით, მიწოდებების უმეტესი ნაწილი ინდუსტრიის გიგანტებზე — Airbus-სა და Boeing-ზე მოვა:
-
ისინი მიიღებენ ყველა მიწოდების 85%-ს.
-
მათი წილი საერთო ღირებულების 92% იქნება.
-
დანარჩენი 15% გადანაწილდება სხვა მწარმოებლებზე, მათ შორის Embraer-სა და Comac-ზე.
Cirium-ის მონაცემებით, ავიაციური პარკის ყველაზე დიდი ზრდა ამჟამად აზიურ ბაზრებზე (როგორიცაა ჩინეთი და ინდოეთი) შეინიშნება. აზია-წყნარი ოკეანის რეგიონზე მოდის ყველა ახალი ხომალდის მიწოდების 45%.
ამასთან, მსოფლიო ავიაციური ფლოტის 71% ვიწროფუზელაჟიან ლაინერებს შეადგენს, ხოლო ფართოფუზელაჟიანი ხომალდების წილი პანდემიამდელ დონეზე დაბალია.
ექსპერტების შეფასებით, მომდევნო შვიდი წლის განმავლობაში მიწოდებული ლაინერების რაოდენობა წინა პროგნოზებთან შედარებით 6%-ით შემცირდება, რადგან მწარმოებლები ვერ შეძლებენ ვიწროფუზელაჟიანი ლაინერების საჭირო მოცულობით წარმოებას. მიუხედავად ამისა, გრძელვადიან პერსპექტივაში თვითმფრინავების მიწოდება 1%-ით გაიზრდება.
კომპანიები გააგრძელებენ შემდეგი თაობის ეკოლოგიურად სუფთა თვითმფრინავების წარმოებას, რათა დაეხმარონ ინდუსტრიას ნულოვანი გამონაბოლქვის დონის მიღწევაში.
Cirium-ის ანალიტიკოსები აღნიშნავენ, რომ მიწოდების პროგნოზებზე უარყოფით გავლენას მოახდენს რამდენიმე ძირითადი პრობლემა:
-
მიწოდების ჯაჭვში შეფერხებები – რაც კომპონენტების მიწოდების დაგვიანებას იწვევს.
-
კვალიფიციური კადრების დეფიციტი.
-
გეოპოლიტიკური არასტაბილურობა.
-
ახალი მოდელების სერტიფიცირების შეფერხებები.
