მოგზაურთა თითქმის ორი მესამედი მოგზაურობის მარშრუტების შესასწავლად ან სამომავლოდ მოგზაურობის დაგეგმვისთვის ხელოვნური ინტელექტის გამოყენებას გეგმავს, ან უკვე გააკეთა ეს, – აღნიშნულია მედია კომპანია Matador Network-ის მიერ ჩატარებული გამოკითხვის შედეგებში, რომელმაც პერსონალური AI ასისტენტი GuideGeek შექმნა. კვლევაში სულ 1200 რესპონდენტმა მიიღო მონაწილეობა.
გამოკითხულთა 16%-ზე მეტმა თქვა, რომ მათ უკვე გამოიყენეს ხელოვნური ინტელექტი მოგზაურობის დასაგეგმად, უმეტესობამ აღნიშნა, რომ ისინი იყენებდნენ ასეთ ხელსაწყოებს დროის დაზოგვისთვის (60%) და აქტივობების ან ატრაქციების მოსაძებნად, რომელთა შესახებაც არ იცოდნენ (70% ).
გამოკითხვამ ასევე აჩვენა, რომ ტურისტები, რომლებიც ისვენებდნენ ზაფხულში 10 დღეზე მეტ ხანს, 30%-ით უფრო ხშირად მიმართავდნენ AI გადაწყვეტილებებს, ვიდრე ისინი, ვინც ნაკლებად მოგზაურობდა. ანალოგიური მაჩვენებელია საქმიანი ტურისტების მაგალითზეც.
საერთო ჯამში, ისინი, ვინც იყენებდნენ AI-ს, მოგზაურობის დროს უფრო კმაყოფილი იყვნენ თავიანთი განსახლებითა და გართობით. დამსვენებლები, რომლებიც არ იყენებდნენ AI-სმოგზაურობის დაგეგმვისას, 57%-ით უფრო მეტად იმედგაცრუებულნი იყვნენ ზაფხულის არდადეგებით.
მას შემდეგ, რაც ხელოვნური ინტელექტი გახდა მთავარი, სულ უფრო მეტ ადამიანს სურს ახალი ტექნოლოგიების დანერგვა და გამოცდა, ამბობენ ექსპერტები. ამრიგად, გამოკითხულთა მეოთხედზე მეტმა უკვე განაცხადა, რომ აპირებენ გამოიყენონ ხელოვნური ინტელექტი ზამთრის არდადეგების დასაგეგმად.
