მგზავრთა დაახლოებით 70%-ს კლიმატის ცვლილებაში ავიაციის როლი ადარდებს
ავიაკოსმოსური კომპანიის Lilium-ის გამოკითხვამ დაადგინა, რომ გამოკითხულთა 65%-ს სჯერა, რომ „მოვიდა უფრო მწვანე საჰაერო მოგზაურობის დრო“.
კვლევამ მოიცვა დაახლოებით 4000 რესპონდენტი დიდ ბრიტანეთში, აშშ-ში, საფრანგეთსა და გერმანიაში. ექსპერტებმა დაასკვნეს, რომ გამოკითხულთა 70%-ს აწუხებს ავიაციის როლი კლიმატის ცვლილებაში.
„ხალხი მზად არის ტრანსპორტის ახალი რეჟიმისთვის, რომელიც აკმაყოფილებს გარემოსდაცვითი უსაფრთხოების მოთხოვნებს“, – განმარტეს Lilium-ში, „მათ სულ უფრო მეტად ესმით კლიმატის ცვლილების შედეგები და ამით ხელმძღვანელობენ პროდუქტებისა და სერვისების არჩევისას“.
გერმანიამ აჩვენა ყველაზე დიდი მოთხოვნა eVTOL თვითმფრინავებზე, ქვეყანაში გამოკითხულთა 64%-მა განაცხადა, რომ სურთ მათი გამოცდა.
ყველა ქვეყანაში, გამოკითხულთა მხოლოდ მეხუთედმა განაცხადა, რომ იცოდა eVTOL თვითმფრინავების შესახებ.
