სავარაუდო კონტრაბანდისტი ბოგოტას ელ დორადოს საერთაშორისო აეროპორტში დააკავეს, როდესაც მგზავრის ბარგში 130 საშიში ბაყაყი აღმოაჩინეს.
შხამიანი ბაყაყები ფოტო ფირის შესანახ კონტეინერებში იყო მოთავსებული. ხელისუფლების ცნობით, ამფიბიები სტრესულ მდგომარეობაში და მძიმე დეჰიდრატირებული იყვნენ.
აღნიშნული შხამიანი ბაყაყები ჩვეულებრივ გვხვდება ცენტრალურ და სამხრეთ ამერიკაში და განიხილება კრიტიკულად გადაშენების პირას მყოფ სახეობად. ბაყაყები გამოყოფენ შხამს კანის ჯირკვლების მეშვეობით და შეუძლიათ მოკლან პატარა ცხოველები და მტაცებლები.
ბოგოტას პოლიციის უფროსის ხუან კარლოს არევალოს თქმით, თითოეული ეს ბაყაყი ათას დოლარამდე (918 ევრო) ღირს და მათზე საერთაშორისო კერძო კოლექციონერებში დიდი მოთხოვნაა.
აღმოჩენილი ამფიბიების საერთო ღირებულება დაახლოებით 130 ათასი დოლარია (დაახლოებით 119 ათასი ევრო), წერს The Independent.
ბოგოტას გარემოს დაცვის მინისტრმა ადრიანა სოტომ თქვა, რომ მგზავრმა აღიარა, რომ ბაყაყები მას სამხრეთ კოლუმბიის ადგილობრივმა საზოგადოებამ აჩუქა. თუმცა, ის ვერ შეძლებს სასჯელის თავიდან აცილებას, რადგან საშიში ცხოველების ფლობამ შეიძლება გამოიწვიოს ჯარიმა 56 მილიონ პესომდე (დაახლოებით 13 ათასი ევრო).
