მანავგატი არის პატარა საკურორტო ქალაქი თურქეთში, რომელიც მდებარეობს ქვეყნის სამხრეთ-დასავლეთით, ანტალიიდან აღმოსავლეთით 75 კმ-ზე. მისი მოსახლეობა 226 ათასზე მეტ ადამიანს შეადგენს. იგი მოიცავს ცნობილ ტურისტულ ქალაქ სიდეს, როგორც ცალკე რეგიონს, ასევე ახლომდებარე საკურორტო სოფლებს, როგორიცაა კიზილაჩი, სორგუნი, კუმკოი, ევრენსეკი, კოლაკლი და ა.შ. სწორედ ამ ობიექტების ტერიტორიაზე მდებარეობს უამრავი სასტუმრო, სადაც ყოველ ზაფხულს ასობით ათასი ტურისტი ჩამოდის.
აღსანიშნავია მდინარე მანავგატი, რომელიც გაედინება ქალაქის ცენტრში. მის ნაპირებთან არის მწვანე პარკი – გაზებოსი შადრევნებითა და ბავშვთა მოედნებით. საცხოვრებელი კორპუსების ქვედა სართულებზე ასევე არის სხვადასხვა კაფეები და რესტორნები. ზაფხულის სეზონზე უამრავი იახტა და გემია, რომლებითაც ტურისტები ფირუზისფერი წყლის გასწვრივ მოგზაურობენ.
ქალაქში მრავალი ღირსშესანიშნაობაა, რომელიც იქ ჩასვლისთანავე უნდა დაათვალიეროთ. მაგალითად, ერთ-ერთია მანავგატის ჩანჩქერი, რომელიც ძალიან ცნობილი ჩანჩქერია ტურისტებში. მისი სიგანე 40 მეტრია, ხოლო სიმაღლე კი 2 მეტრს აღწევს. ამ საოცარი წყლის ნაკადის ნახვა შეგიძლიათ დილის 8 საათიდან საღამოს 19:00 საათამდე. აღნიშნული ტერიტრია აღჭურვილია პატარა მინიატურული პარკით, სადაც შეგიძლიათ უსაფრთხოდ იაროთ ხეების ჩრდილში და ასევე სადილოთ იქ არსებულ თურქულ რესტორნებში.
ამასთან, მანავგატში შეძლებთ ნახოთ მწვანე კანიონი, რომელიც გადაჭიმულია ქალაქიდან 22 კილომეტრში. აქ 185 მ სიმაღლეზე მდებარეობს ქალაქის წყალსაცავი, რომელიც სიდიდით მეხუთე კაშხალია ქვეყანაში. ჰიდრავლიკურ სტრუქტურაზე ასვლისას, ერთ მხარეს დაინახავთ მთის ტბას, მეორე მხარეს – მწვანე კანიონის თვალწარმტაც ხედებს. წყალი აქ გამოირჩევა ზურმუხტისფერი ელფერით, რომელსაც მინერალების დიდი რაოდენობა განაპირობებს. ტურისტული სააგენტოები გვთავაზობენ ნავებით სეირნობას, რომელიც, როგორც წესი, მოიცავს თევზაობასაც.
მანავგატის ღირსშესანიშნაობებიდან შეგიძლიათ მოინახულოთ სათხილამურო პარკი. იგი განსაკუთრებით მოსწონთ ტურისტებს, რომლებიც წყლის სპორტითა და ვიკორბორდინგით არიან დაკავებული.
მანავგატის ცენტრალური ქუჩები სავსეა კვების ობიექტებით, სადაც ყველაფერი ბიუჯეტურია. აქ შეძლებთ მიირთვათ საოცარი დონერი, პიცა და სხვ.
თუ ამ ადგილის მონახულებას გადაწყვეტთ, მაშინ უნდა იცოდეთ, რომ ქალაქში მხოლოდ დაბალბიუჯეტიანი სასტუმროებია, რომლებიც ადგილობრივ მოსახლეობას ეკუთვნის. უმჯობესია საცხოვრებლის ქირაობა მანავგატთან ყველაზე ახლოს მდებარე ტურისტულ ადგილებთან, რომლებიც არის სორგუნი და სიდე. აღსანიშნავია, რომ ამ ობიექტებთან სატრანსპორტო კავშირები შესანიშნავად ფუნქციონირებს.
