ტურისტებს შორის პოპულარული კურორტი, მალდივები გაძვირდება: 1 დეკემბრიდან იქ ტურიზმთან დაკავშირებული გადასახადები გაიზრდება. კერძოდ, ზამთრის დასაწყისიდან ქვეყნიდან გაფრენილთათვის საფასური იზრდება.
გამგზავრების გადასახადი დამოკიდებული იქნება მომსახურების კლასზე, რომლითაც ტურისტები მალდივიდან ბრუნდებიან. ასე რომ, ეკონომ კლასის მგზავრები ახლა გადაიხდიან 50 დოლარს (30 დოლარის ნაცვლად), ბიზნეს კლასის მგზავრები კი 120 დოლარს (60 დოლარის ნაცვლად), პირველი კლასის – 240 დოლარს (90 დოლარის ნაცვლად), ხოლო კერძო თვითმფრინავით მგზავრებს ადამიანზე 480 დოლარის გადახდა მოუწევთ (ნაცვლად $120).
საფასური ვრცელდება ყველა არამალდივიელ სტუმარზე, ასაკისა და პასპორტის მიუხედავად. თანხა იგივე იქნება ნებისმიერი ფრენის ხანგრძლივობისთვის.
მალდივის შიდა შემოსავლების ორგანომ (MIRA) ნოემბერში გამოაცხადა გადასახადების გაზრდა. MIRA-ს ცნობით, საფასურიდან შემოსული თანხა მოხმარდება ველანას საერთაშორისო აეროპორტის, ქვეყნის მთავარი სატრანზიტო კვანძის მოვლა-პატრონობას.
გადასახადი არ უნდა გადაიხადოთ საპასპორტო კონტროლისას, ის უბრალოდ ჩაირთვება ავიაბილეთის ფასში.
