ინდური რეგიონული ავიაკომპანია Star Air-ი, რომელიც 2019 წლიდან ოპერირებს, ამბიციური გაფართოების სტრატეგიას იწყებს. კომპანია გეგმავს, რომ 2030 წლისთვის საკუთარი ფლოტი ამჟამინდელი 11 ერთეულიდან დაახლოებით 50 თვითმფრინავამდე გაზარდოს. ამ გეგმის ფარგლებში მოსალოდნელია Embraer-ის თვითმფრინავების მნიშვნელოვანი შეკვეთა.
Star Air ამჟამად ყოველდღიურად 56 რეისს ასრულებს 31 ქალაქის მიმართულებით. მისი მარშრუტების ორი მესამედი ინდოეთის რეგიონული დაკავშირების სქემით (UDAN) არის მხარდაჭერილი.
ავიაკომპანიის მიზანია, 2028 წლის აპრილისთვის ფლოტში 20 თვითმფრინავი ჰყავდეს, რაც მას საერთაშორისო ოპერაციების განხორციელების უფლების მოპოვებაში დაეხმარება.
Star Air-მა დაასრულა ₹350 მილიონი რუპიის(დაახლოებით $42 მილიონი აშშ დოლარი) ღირებულების B სერიის დაფინანსების პირველი ეტაპი. ამ ზრდის მხარდასაჭერად, კომპანია გეგმავს შიდა ტექნიკური მომსახურებისა და პილოტების მომზადების ცენტრების შექმნას.
Star Air-ის გაფართოების გეგმა შეიძლება კრიტიკულად მნიშვნელოვანი აღმოჩნდეს ბრაზილიური მწარმოებლის, Embraer-ისთვის. კომპანია ცდილობს, რომ ინდოელი მყიდველებისგან დაახლოებით 200 თვითმფრინავის შეკვეთა მიიღოს, რაც საფუძველი გახდება ინდოეთში ფინალური ასაწყობი ხაზის (Final Assembly Line) დაარსებისთვის.
