ინდოეთის სასამართლომ Go First Airways-ის ლიკვიდაციის ნებართვა გასცა. ლიკვიდაციის ბრძანება ავიაკომპანიის კრედიტორების მოთხოვნით გამოიცა.
აგვისტოში Go First-ის კრედიტორებმა კომპანიის აქტივების ლიკვიდაცია მას შემდეგ გადაწყვიტეს, რაც დაინტერესებული მხარეების შეთავაზება გაკოტრებული ავიაკომპანიის აღდგენის შესახებ უარყვეს.
Go First-მა გაკოტრებაზე განაცხადი 2023 წლის მაისში შეიტანა. დაბალბიუჯეტიან გადამზიდავს კრედიტორების მთლიანობაში 65,21 მილიარდი რუპიის (781,14 მილიონი აშშ დოლარი) ვალი აქვს, მათ შორისაა ინდოეთის ცენტრალური ბანკი, Bank of Baroda, IDBI Bank და Deutsche Bank.
Go First-ის უცხოელ მეიჯარეები კომპანიასთან დავაში მას შემდეგ იყვნენ, რაც ინდოეთის სასამართლოების მიერ დაწესებული მორატორიუმის გამო მათ თვითმფრინავების დაბრუნებაში ხელი შეუშალათ. თუმცა, აპრილში ადგილობრივმა სასამართლომ მათ თვითმფრინავების უკან დაბრუნების საშუალება მისცა.
