კორპორაცია Indian Oil მდგრადი საავიაციო საწვავის (SAF) გაშვებას გეგმავს, რომელსაც შეუძლია სათბურის გაზების ემისიები 80%-ით შეამციროს.
როგორც აღინიშნა, ქარხნის მშენებლობის ღირებულება, რომელიც აშენდება ნიუ-დელის რეგიონში, შეფასებულია 10 მილიარდ რუპიად (122 მილიონი დოლარი). იგი წელიწადში 88 ათას ტონა SAF-ს გამოიმუშავებს.
საერთაშორისო სამოქალაქო ავიაციის ორგანიზაციამ (ICAO) 2007 წელს გამოაცხადა SAF-ის, როგორც ჩვეულებრივი თვითმფრინავის საწვავის ალტერნატივის განვითარების მნიშვნელობა და 2009 წელს წამოაყენა თვითმფრინავის მდგრადი საწვავის წარმოების კონცეფცია, რომლის მიზანი იყო თვითმფრინავების ექსპლუატაციიდან ატმოსფეროში მავნე გამონაბოლქვის მინიმუმამდე შემცირება. 2050 წლისთვის კი ნულოვანი ემისია.
ICAO-ს მონაცემებით, 2021 წლის დასაწყისისთვის, SAF-ის გამოყენებით მსოფლიოში 350 000-ზე მეტი სამგზავრო ფრენა განხორციელდა.
აშშ და ავსტრალია 2050 წლისთვის გეგმავენ ჩვეულებრივი საწვავის 50%-ით შეცვლას, ნორვეგია, შვედეთი და ფინეთი 2030 წლისთვის 30%-ით.
აღსანიშნავია, რომ მდგრადი საწვავი იწარმოება როგორც ნახშირორჟანგისა და წყლის ელექტროლიზით, ასევე მცენარეული და ნარჩენი ზეთებიდან, ცხოველური ცხიმებიდან და სოფლის მეურნეობის ნარჩენებიდან ბიომასის გარდაქმნით.
