კანადაში, მონრეალში გამართულ საერთაშორისო სამოქალაქო ავიაციის ორგანიზაციის (ICAO) შეხვედრაზე, ორგანიზაციის წევრები შეთანხმდნენ 2050 წლისთვის სამოქალაქო ავიაციის ნულოვანი სათბურის ემისიებზე გადასვლის პროგრამაზე. ამის შესახებ „კომერსანტი“ წერს.
გავრცელებულია ინფორმაცია, რომ კოლექტიური გრძელვადიანი გლობალური მისწრაფების მიზანი (LTAG) შეთანხმებული იქნა ორკვირიანი დისკუსიების შემდეგ, რომელსაც ესწრებოდა 2500-ზე მეტი დელეგატი 184 ქვეყნიდან და 57 ორგანიზაციიდან.
„ამ ღონისძიებაზე ქვეყნებმა მიაღწიეს შთამბეჭდავ დიპლომატიურ პროგრესს ისეთ მნიშვნელოვან თემაზე, როგორიცაა პლანეტის მომავლის მდგრადობა და საჰაერო ტრანსპორტის სისტემა, რომელიც ემსახურება და აკავშირებს ადამიანებს მთელს მსოფლიოში“, – თქვა ICAO-ს გენერალურმა მდივანმა ხუან კარლოს სალაზარმა. ერთი წლით ადრე, საჰაერო ტრანსპორტის სამოქმედო ჯგუფმა (ATAG) მიიღო დეკლარაცია 2050 წლისთვის ნულოვანი ემისიებზე გადასვლის შესახებ.
როგორც აღინიშნა, დისკუსიების დროს გადაცემაზე ძირითადი კომენტარები გააკეთეს ჩინეთის, ერითრეისა და რუსეთის წარმომადგენლებმა. მათ განაცხადეს, რომ განვითარებადი ქვეყნებისთვის 2050 წლისთვის სამოქალაქო ავიაციის ნულოვანი ემისიების მიღწევა საკმაოდ რთული იქნება და განვითარებულ ქვეყნებს ფინანსური და ტექნიკური დახმარებისკენ მოუწოდეს.
