ისრაელის კომპანია Israel Aerospace Industries (IAI), ინვესტორ 3F-თან (Fire Free Forests)პარტნიორობით, Boeing 767 თვითმფრინავის ახალ ხანძარსაწინააღმდეგო მოდიფიკაციას ავითარებს. პროექტი BDSF-ის სატვირთო მოდიფიკაციის (სამგზავროდან გადაკეთებული) საფუძველზე იქმნება.
დაპირებების თანახმად, ხანძარსაწინააღმდეგო Boeing 767FF შეძლებს 40 ტონამდე ხანძარსაწინააღმდეგო სითხის ჩაშვებას. გარდა ამისა, ის აღიჭურვება უნიკალური სენსორებით, რომლებიც განკუთვნილია ხანძრის წყაროების აღმოსაჩენად და ასევე, ქარისა და რელიეფის რეალურ დროში შესაფასებლად.
პროექტი ასევე მოიცავს ცენტრალიზებული მართვის სისტემის შექმნას, რომელიც გააერთიანებს საჰაერო და სახმელეთო ხანძარსაწინააღმდეგო სამსახურების მოქმედებებს. ეს განვითარება პოზიციონირებულია, როგორც უნივერსალური გადაწყვეტა მასშტაბურ ტყის ხანძრებთანსაბრძოლველად.
კომპანია 3F დააფინანსებს პროექტს, პოპულარიზაციას გაუწევს პლატფორმას და მოიძიებს მომხმარებლებს. B767FF-ის პირველი ფრენის და შესაძლო ექსპლუატაციაში გაშვების თარიღები ჯერ არ გამოცხადებულა. თუმცა, ხანძრების რაოდენობის გლობალური ზრდის გათვალისწინებით, ასეთ თვითმფრინავზე მოთხოვნა შეიძლება ძალიან მაღალი იყოს.
