British Airways-ის მფლობელი IAG (International Airlines Group) ავიაკომპანია Air Europa-ს 20%-იანი წილის გაყიდვას განიხილავს.
გადაწყვეტილება დამოკიდებული იქნება Globalia-ს, ესპანური ავიაკომპანიის მფლობელის ქმედებებზე, რომელიც მოლაპარაკებებს აწარმოებს კომპანიის წილის Air France-KLM-სა და Lufthansa-სთვის მიყიდვის თაობაზე.
IAG-ის აღმასრულებელმა დირექტორმა ლუის გალეგომ განაცხადა, რომ კომპანიას შეუძლია შეინარჩუნოს ან გაყიდოს თავისი წილი Air Europa-ში. “ეს არის ის, რასაც ჩვენ გადავწყვეტთ, როდესაც (Globalia) მიიღებს გადაწყვეტილებას, რა უნდა გააკეთოს კომპანიასთან (Air Europa) მიმართებაში. ჩვენ შეგვიძლია დავრჩეთ ან წავიდეთ.”
IAG Air Europa-ს მთლიანი წილის შეძენის გარიგებიდან მას შემდეგ გავიდა, რაც ვერ შეასრულა ევროკავშირის ანტიმონოპოლიური ორგანოების მოთხოვნები. თუმცა ის კვლავ დაინტერესებულია TAP Air Portugal-ის წილის შეძენით.
TAP-ის პრივატიზაციის პროცესი შესაძლოა გაჭიანურდეს პორტუგალიაში შექმნილი პოლიტიკური ვითარების გამო. „თუ იქნება უწყვეტობა ამჟამინდელ მთავრობასთან, ვფიქრობ, პროცესი გაგრძელდება, შესაძლოა, ორი ან სამი თვით“, – თქვა გალეგომ. „თუ ახალი მთავრობა რომ იქნება, ვფიქრობ, კიდევ უფრო დიდი შეფერხება გვექნება.“
IAG მოტივირებულია TAP-ის მიმართ ინტერესით ავიაკომპანიის ჯგუფში ინტეგრირების შესაძლებლობით.
