ჰონგ კონგის საერთაშორისო აეროპორტის ადმინისტრაციამ Airport City-ს განვითარების გეგმა გააფართოვა, რათა მოიცავდეს ხელოვნურ ეკოსისტემას, AsiaWorld-Expo-ს მშენებლობის მეორე ფაზას და ასევე Jet Fresh Market-ს.
ინიციატივა მიზნად ისახავს კომერციული, ტურისტული და რეკრეაციული აქტივობების რაოდენობის ზრდას. 100 მილიარდ დოლარზე მეტი ღირებულების ახალი ობიექტების მშენებლობა 2026 წლიდან 2031 წლამდე ეტაპობრივად დასრულდება.
Airport City-ს გაფართოება შესაძლებელი გახდება ხელოვნური კუნძულებით ჰონგ-კონგი-ჟუჰაი-მაკაოს ხიდთან და ასევე ყურესთან აეროპორტის კუნძულსა და ტონჯონგს შორის. მშენებლობის დასრულების შემდეგ ჰაბი რეგიონში უდიდესი იქნება.
პროექტის ფარგლებში, ჰონგ კონგის საერთაშორისო აეროპორტის ადმინისტრაცია გააგრძელებს AsiaWorld-Expo-ს განვითარების მეორე ფაზის განხორციელებას, რომელიც მოიცავს ჰონგ კონგის უდიდეს მრავალფუნქციურ დახურულ არენას, რომელიც 20 ათასზე მეტ ადამიანზეა გათვლილი, ასევე საკონფერენციო დარბაზებსა და საგამოფენო სივრცეებს.
