ავიაკომპანია Georgian Airways ბორტგამცილებლის პოზიციაზე ვაკანსიას აცხადებს. კომპანიის ცნობით, აღნიშნული ვაკანიისთვის ძირითადი მოთხოვნა არის: ასაკი 18 წლიდან 25 წლამდე, ხოლო სიმაღლე: 160 სმ-დან.
„კანდიდატის საკვალიფიკაციო მოთხოვნები: ქართული, ინგლისური და რუსული ენების სრულყოფილად ფლობა(წერა, კითხვა, მეტყველება); სამივე ენაზე გამართული და დახვეწილი მეტყველების უნარი; ანალიტიკური აზროვნების უნარი;
დეტალებზე ორიენტირებული; კანდიდატი უნდა იყოს კომუნიკაბელური და შეეძლოს გუნდში მარტივად ადაპტირება;
კანდიდატს უნდა ჰქონდეს დამაკმაყოფილებელი ჯანმრთელობის მდგომარეობა.
კონკურსის ეტაპები:
1. განცხადებების გადარჩევა;
2. გასაუბრება ბორტგამყოლთა სამსახურის უფროსთან;
3. გასაუბრება გენერალურ დირექტორთან;
დაინტერესებულმა კანდიდატებმა უნდა გამოაგზავნონ რეზიუმე შემდეგ მისამართზე: hr@georgian-airways.com, არაუგვიანეს 2024 წლის 25 დეკემბრისა.
გთხოვთ, მეილში მიუთითოთ ვაკანსიის დასახელება – “ბორტგამცილებელი”, წინააღმდეგ შემთხვევაში თქვენი კანდიდატურის განხილვა ვერ მოხდება. დაკავშირება მოხდება შესაბამის კანდიდატებთან.
გისურვებთ წარმატებას!“, – აღნიშნულია ავიაკომპანიის მიერ გავრცალებულ ინფორმაციაში.
