FlyDubai-მ Emaratech-თან თანამშრომლობით დაიწყო პროექტი, რომელიც პილოტებსა და ბორტგამყოლებს ჭკვიანი სასაზღვრო კონტროლის გადაწყვეტილებებს შესთავაზებს. ეს ინიციატივა მიზნად ისახავს ავიაკომპანიის თანამშრომლებისთვის სასაზღვრო კონტროლის პროცედურების დაჩქარებას და ოპერაციული ეფექტურობის გაზრდას.
ეს ახალი ჭკვიანი გასასვლელები აერთიანებს ბიომეტრიულ ტექნოლოგიას, ხელოვნური ინტელექტით (AI) დაფუძნებულ ვერიფიკაციას და რეალურ დროში მონაცემთა ინტეგრაციას, რათა საიმიგრაციო პროცესები მნიშვნელოვნად გამარტივდეს.
FlyDubai-ს აეროპორტის ოპერაციულ ცენტრში, სადაც ეკიპაჟის რეგისტრაცია ხდება ფრენებისთვის, უკვე დამონტაჟებულია ექვსი ბიომეტრიული გასასვლელი. ეს ჭკვიანი გასასვლელები დაკავშირებულია როგორც FlyDubai-ს, ისე საიმიგრაციო პლატფორმებთან, რაც რეალურ დროში სკრინინგს უზრუნველყოფს. აღსანიშნავია, რომ Emaratech-ს წარსულშიც აქვს მიწოდებული მგზავრების უსაფრთხოების ტექნოლოგიები დუბაის აეროპორტისთვის.
