FCM Consulting-ის ანგარიშის მიხედვით, რომელიც FCM Travel-ისა და Flight Centre Travel Group-ის მონაცემებს ეფუძნება, კორპორატიული მყიდველებისთვის ავიაბილეთების ფასები 2025 წლის პირველ ნახევარში შემცირდა, მაშინ როდესაც სასტუმროებში განთავსების ღირებულება მსოფლიოს უმეტეს რეგიონში გაიზარდა.
ანალიტიკოსების ცნობით, მიმდინარე წლის იანვრიდან მაისის ჩათვლით, საშუალო ტარიფი წლიურ ჭრილში შემდეგნაირად შეიცვალა:
ბიზნეს-კლასის საშუალო ტარიფი 4%-ით შემცირდა.
ეკონომ-კლასის საშუალო ტარიფი 3%-ით შემცირდა.
მიუხედავად იმისა, რომ მსოფლიო მასშტაბით ბილეთებზე მოთხოვნა 5.8%-ით გაიზარდა, ავიაკომპანიები იძულებული გახდნენ, ტარიფების კორექტირება მოეხდინათ, რათა პროგნოზებიდან გადახრა დაეკომპენსირებინათ და მყიდველობითი აქტივობა შეენარჩუნებინათ.
ანგარიშის თანახმად, სასტუმროს ნომრის საშუალო ღირებულება მსოფლიოს მასშტაბით წლიურ ჭრილში 19%-ით გაიზარდა და პირველ ნახევარში $201 აშშ დოლარს მიაღწია.
ევროპაში კორპორატიული განთავსების საშუალო ღირებულება $31 დოლარით გაიზარდა და $211 დოლარი შეადგინა.
ყველაზე დიდი ზრდა დაფიქსირდა დუბლინში (55%), მადრიდსა (23%) და ლონდონში (19%).
ექსპერტები ამას ბიზნეს აქტივობის აღდგენასა და საერთაშორისო ჩამოსვლების დინამიკას უკავშირებენ, თუმცა მომავალ წელს ფასების ზრდის შენელებას ელიან.
ახლო აღმოსავლეთსა და აფრიკაში საშუალო ფასი $29 დოლარით გაიზარდა და $226 დოლარს მიაღწია.
ლათინურ ამერიკაში საშუალო ფასი $15 დოლარით გაიზარდა და $165 დოლარი შეადგინა.
აზიაში საშუალო ღირებულება $1 დოლარით შემცირდა და $170 დოლარი შეადგინა.
ავსტრალიასა და ახალ ზელანდიაში კი $9 დოლარით დაეცა და $142 დოლარი შეადგინა.
