European Hotel Valuation Index-ის მიხედვით, 2022 წელს ევროპაში სასტუმროები საშუალოდ 3%-ით გაძვირდა, ხოლო ყველაზე ძვირადღირებული განთავსება იყო პარიზში, ლონდონში, ციურიხში, ამსტერდამსა და რომში.
გასული წლის განმავლობაში სასტუმროების ტარიფები გაიზარდა რიგი ფაქტორების გამო, მათ შორის RevPAR-ის მნიშვნელოვანი გაუმჯობესება და დამატებითი შემოსავლების აღდგენის ფონზე. ამის მიუხედავად, მაღალი ინფლაციისა და რეცესიის რისკებმა შეზღუდა ფასების აღდგენა, რის გამოც ისინი 2019 წლის პიკზე დაბლა დატოვა.
„პანდემიის დროს სასტუმროებში ცხოვრების ღირებულება დაახლოებით 15%-ით დაეცა, 2021 წელს კი 5%-ით გაიზარდა. გასული წელი არაერთგვაროვანი იყო სტუმართმოყვარეობის ინდუსტრიისთვის ევროპის მასშტაბით, 2022 წლის ზოგიერთი ასპექტი ბევრად უკეთესია, ვიდრე მოსალოდნელი იყო, ზოგი კი ბევრად უარესი“, – თქვა HVS London-ის ანალიტიკოსმა ჯულია დზერკაჩმა.
ევროპული სასტუმროების სერიოზულმა პრობლემებმა, მათ შორის მუშახელის დეფიციტმა, განაპირობა ის, რომ ბევრი იძულებული გახდა შეემცირებინა შემოთავაზებული სერვისების მოცულობა. ამავდროულად, საპროცენტო განაკვეთების ზრდამ, სასტუმროების მოთხოვნაზე ეკონომიკური მდგომარეობის გავლენის შიშმა გამოიწვია ინვესტორების ინტერესის გაციება სასტუმროების მიმართ. სიტუაციას ამძიმებს მოსალოდნელი საბანკო კრიზისის პოტენციური საფრთხე.
ქალაქებს შორის, სადაც სახეზეა სასტუმროების ფასების ყველაზე დიდი აღდგენა 2022 წლის განმავლობაში, არის ათენი, დუბლინი და ლისაბონი (+5.8%, 5.2% და 5.9% შესაბამისად). ამსტერდამი (+3.8%), მილანი (+2.4%) და რომი (+1.3%) – აქაც აღინიშნა ზრდა, თუმცა უფრო მოკრძალებული.
