იტალიურმა გაზეთმა Corriere della Sera-მ აეროპორტ „სტამბოლს“ (IST) ევროპაში ყველაზე ძვირი აეროპორტი უწოდა, რომელმაც აეროპორტში ფასები გააანალიზა. თავად აეროპორტი კი ამ შეფასებას არ ეთანხმება და ხაზს უსვამს, რომ ისინი მგზავრებს იაფ ალტერნატივებსაც სთავაზობენ.
გამოცემის მიერ შედგენილი რეიტინგის მიხედვით, აეროპორტ „სტამბოლში“ სურსათის ფასები უფრო მაღალია, ვიდრე ევროპის სხვა 16 აეროპორტში. გაზეთის ცნობით, მაგალითად, კრუასანის ღირებულება დაახლოებით 16,5 ევროა, ფორთოხლის წვენი კი დაახლოებით 8 ევრო ღირს. გაზეთი ასევე ასახელებს Evian-ის ბრენდის ნახევარლიტრიანი წყლის ბოთლის ფასს, რომელიც „სტამბოლში“ 6 ევრო ღირს, ფრანკფურტის აეროპორტში კი 4,75 ევრო.
„საბაზისო საჭიროებების დაკმაყოფილების თვალსაზრისით, სტამბულის აეროპორტში მდგომარეობა ბევრად უკეთესია, ვიდრე მის კონკურენტები.
გარდა ძირითადი მოთხოვნილებებისა, როგორიცაა წყალი, ყავა, სენდვიჩი, კრუასანი და ბურგერი, მგზავრებს სთავაზობენ ალტერნატიულ ვარიანტებს ყველა საკვების ჯგუფისთვის, ნებისმიერი ბიუჯეტისთვის შესაფერისი ფასებით“, – ციტირებს Habertürk TV-ს TUM&TRU აეროპორტის რესტორნისა და კაფეს ოპერატორს.
კომპანიაში განმარტავენ, რომ აეროპორტში მგზავრებს შეუძლიათ წყლით ბოთლების შევსება რამდენიმე შადრევნიდან. ირკვევა, რომ სტამბოლის აეროპორტის შიდა ფრენების ტერმინალში საკვებისა და სასმელის ფასები გაცილებით დაბალია და ფასები იანგარიშება თურქულ ლირაში, განსხვავებით საერთაშორისო ტერმინალისგან, სადაც თითქმის ყველაფრის ფასი ევროშია.
