AVIAREPS-ი, მსოფლიოს წამყვანი საერთაშორისო წარმომადგენლობისა და მარკეტინგის კომპანია ავიაციის სექტორში, არაბთა გაერთიანებული საამიროების ეროვნული გადამზიდის, Etihad Airways-ის გენერალური გაყიდვების აგენტად (GSA) დაინიშნა ხუთ ახალ ბაზარზე, მათ შორის, საქართველოში, სომხეთში, აზერბაიჯანში, რუმინეთსა და უზბეკეთში.
ახალი შეთანხმების თანახმად, AVIAREPS-ი უკვე 18 ქვეყანაში შეასრულებს Etihad Airways-ის გენერალური გაყიდვების აგენტის ფუნქციას, რაც მნიშვნელოვნად აფართოებს მათ გლობალურ პარტნიორობას. ეს თანამშრომლობა დროულად ემთხვევა Etihad-ის გეგმებს, რომლის მიხედვითაც, ავიაკომპანია 2025 და 2026 წლებში ევროპასა და დსთ-ის ქვეყნებში ახალ პირდაპირ მარშრუტებს ამატებს.
AVIAREPS-ის როლი და ახალი შესაძლებლობები
როგორც ავიაკომპანიის GSA, AVIAREPS-ის ადგილობრივი გუნდები ხუთივე ახალ ბაზარზე, მათ შორის, საქართველოშიც, უზრუნველყოფენ ყოვლისმომცველ გაყიდვების სერვისებს, რაც მოიცავს: გაყიდვების სრულ მართვას;
Etihad-ი, რომელიც აბუ დაბის საავიაციო ჰაბიდან 100-ზე მეტი საჰაერო ხომალდის ფლოტით 120-ზე მეტ მიმართულებას ემსახურება, ამ პარტნიორობით გააძლიერებს კომერციულ ზრდას რეგიონში.
AVIAREPS-ის ავიაციის მიმართულების COO, მარჩელო კაიზერი, აცხადებს:
„მოხარულები ვართ, რომ ვაფართოებთ პარტნიორობას Etihad Airways-თან, რომელიც ავითარებს თავის ქსელს ევროპასა და დსთ-ში. ეს ახალი მარშრუტები საინტერესო შესაძლებლობებს შექმნის ტურისტული ინდუსტრიისთვის, რადგან დააკავშირებს ახალ ბაზრებს Etihad-ის ვრცელ გლობალურ ქსელთან. ჩვენი გამოცდილი ადგილობრივი გუნდები მზად არიან, დაეხმარონ ინდუსტრიის პარტნიორებს ამ შესაძლებლობების მაქსიმალურად გამოყენებაში.“
AVIAREPS-ი, რომელიც 1994 წელს დაარსდა, ავიაციის, ტურიზმის, სტუმართმასპინძლობისა და კვების სექტორის ბრენდებისთვის საერთაშორისო წარმომადგენლობის, მარკეტინგისა და კომუნიკაციების წამყვანი კომპანიაა.
