ერთ წელიწადში ავიაბილეთები თითქმის 12%-ით გაიაფდა, ხოლო თვიურ ჭრილში 3%-ით გაძვირდა.
როგორც საქსტატის საიტზე განთავსებული სტატისტიკური მაჩვენებლებიდან ირკვევა, 2025 წლის აგვისტოში 2024 წლის აგვისტოსთან შედარებით თვითმფრინავით მგზავრობა 11.66%-ით გაიაფდა
რაც შეეხება ფასების ცვლილებას თვიურ ჭრილში, აგვისტოში ივნლისთან შედარებით ავიაბილეთები 3%-ით გაძვირდა.
2025 წლის აგვისტოში წინა თვესთან შედარებით ინფლაციის დონემ საქართველოში 0.3 პროცენტი, ხოლო წლიური ინფლაციის დონემ 4.6 პროცენტი შეადგინა. რაც შეეხება საბაზო ინფლაციას , აღნიშნულმა მაჩვენებელმა 2025 წლის აგვისტოში, გასული წლის შესაბამის პერიოდთან შედარებით 3.0 პროცენტი შეადგინა, ხოლო თამბაქოს გარეშე წლიური საბაზო ინფლაციის2 მაჩვენებელი 2.8 პროცენტით განისაზღვრა.
