ევროპის საავიაციო უსაფრთხოების სააგენტომ (EASA) მიიღო გადაწყვეტილება, 24 აპრილამდე გააგრძელოს რეკომენდაცია ახლო აღმოსავლეთისა და სპარსეთის ყურის საჰაერო სივრცის თავიდან არიდების შესახებ. აღნიშნული გადაწყვეტილების მთავარი მიზეზი სამოქალაქო ავიაციისთვის არსებული სერიოზული და მზარდი საფრთხეებია.
რეკომენდაცია ვრცელდება რეგიონის საჰაერო სივრცის დიდ ნაწილზე და მოიცავს ყველა საფრენ სიმაღლეს. გამონაკლისი დაშვებულია მხოლოდ საუდის არაბეთისა და ომანის ტერიტორიის თავზე არსებულ შეზღუდულ, მაღალ სიმაღლეზე მდებარე ზონებზე, თუმცა ამ შემთხვევაშიც ავიაკომპანიებს მოეთხოვებათ რისკების ინდივიდუალური და მკაცრი შეფასება.
სააგენტოს გაფრთხილება სავალდებულოა როგორც ევროკავშირის წევრი ქვეყნების ავიაკომპანიებისთვის, ისე ნებისმიერი სხვა ოპერატორისთვის, რომელიც ასრულებს რეისებს ევროპის მიმართულებით, ევროპიდან ან ტრანზიტით გადის ევროპულ საჰაერო სივრცეს. აღნიშნული შეზღუდვა კიდევ უფრო ართულებს ევროპასა და აზიას შორის ფრენების ლოგისტიკას, რაც იწვევს მარშრუტების დაგრძელებას, საწვავის ხარჯის ზრდას და რეისების ხშირ გაუქმებას.
