გაერთიანებული სამეფოს სამოქალაქო ავიაციის ორგანოს ანალიტიკოსებმა გამოავლინეს ავიაკომპანიები, რომლებმაც 2022 წელს ყველაზე მეტი შეფერხება აჩვენეს.
ახალმა კვლევამ, რომელმაც გააანალიზა 385,000-ზე მეტი ფრენა გაერთიანებული სამეფოდან და უკან გასული წლის ზაფხულის არდადეგების პიკის თვეებში, აჩვენა, რომ უნგრულ დაბალბიუჯეტიან ავიაკომპანია Wizz Air-ს ყველაზე მეტი შეფერხება ჰქონდა.
აღმოჩნდა, რომ ავიაგადამზიდველმა 15 ათასზე მეტი „ბრიტანული“ რეისი განახორციელა და მათგან 66%-ი 15 წუთზე მეტი დაგვიანებით დაესვა. გარდა ამისა, ამ ავიაკომპანიას ჰქონდა ყველაზე გრძელი საშუალო დაგვიანება 55 წუთი.
ანტირეიტინგში მეორე ადგილზე გავიდა ბრიტანული ჩარტერული ავიაკომპანია TUI Airways-ი, რომელმაც ფრენების 61,3%-ი15 წუთზე მეტი დაგვიანებით შეასრულა, ხოლო მისმა საშუალო დაგვიანება 46 წუთი შეადგინა.
გერმანული ავიაკომპანია Lufthansa 2022 წლის ზაფხულში ფრენების 49,3%-ის 15 წუთზე მეტი ხნით დაგვიანებით რეიტინგში მესამე ადგილზეა. მისი დაყოვნების საშუალო დრო კი 23 წუთია.
10 ყველაზე არაპუნქტუალური ავიაკომპანია 2022 წლის ზაფხულის ფრენების მიხედვით:
1. Wizz Air (უნგრეთი) – ფრენების 65,6%-ი დაგვიანდა
2. TUI Airways (დიდი ბრიტანეთი) – 61,3%.
3. Lufthansa (გერმანია) – 49,3%.
4. Air Portugal (პორტუგალია) – 48,5%.
5. EasyJet (დიდი ბრიტანეთი) – 47,8%.
6. Ryanair (ირლანდია) – 47,1%.
7. Air France (საფრანგეთი) – 45,3%.
8. Jet2.com (დიდი ბრიტანეთი) – 45,1%.
9. British Airways (დიდი ბრიტანეთი) – 44,3%.
10. Virgin Atlantic (დიდი ბრიტანეთი) – 41,6%.
