ტაივანის ავიაკომპანია China Airlines-მა Boeing-სა და Airbus-ს 24 თვითმფრინავი შეუკვეთა, რომელთა საერთო კატალოგური ღირებულება 11,9 მილიარდი დოლარია.
როგორც აღინიშნა, China Airlines-მა შეუკვეთა 10 ერთეული Airbus A350-1000 და 10 ერთეული Boeing 777-9 თვითმფრინავი, ასევე 4 ერთეული სატვირთო Boeing 777-8.
China Airlines-ი ოპერირებს ძველი Airbus A350-ებითა და Boeing 777-ებით. კომპანიის ფლოტი 80-ზე მეტ თვითმფრინავს მოიცავს.
ახალი თვითმფრინავების მიწოდება სავარაუდოდ 2029 წელს დაიწყება. ტრანზაქციის რეალური ღირებულება სავარაუდოდ დასახელებულ ფასზე დაბალი იქნება, რადგან ავიაკომპანიები ჩვეულებრივ იღებენ მნიშვნელოვან ფასდაკლებას დიდ შეკვეთებზე.
